ଆଳି: ରାସ୍ତା ଅବରୋଧ ପ୍ରତିବାଦରେ ତହସିଲ ଅଫିସ୍ ଘେରାଉ କଲେ ଆନ୍ଦେଳନକାରୀ
ଆଳି: ରାସ୍ତା ଅବରୋଧ ପ୍ରତିବାଦରେ ଗୁୁରୁବାର ପଦନୀପାଳ ପଞ୍ଚାୟତର ୫୦୦ରୁ ଉର୍ଦ୍ଧ୍ବ ଲୋକ ଆଳି ତହସିଲ ଘେରାଉ କରି ଅଫିସ ଆଗରେ ଧାରଣାରେ ବସି ରହିଛନ୍ତି। କନିକା ତହସିଲ ଅଧିନସ୍ଥ ପଦନୀପାଳର ପଡୋଶୀ ନମତରା ଗ୍ରାମବାସୀ ମାନେ ରାସ୍ତା କାଟି, ବାଡ ବୁଜି ଓ ଠେଙ୍ଗାବାଡି ଧରି ସଂଘବଦ୍ଧ ଭାବେ ପଦନୀପାଳ ଲୋକଙ୍କୁ ରାସ୍ତାରେ ଛାଡୁ ନଥିବାର ଆନ୍ଦୋଳନକାରୀ ମାନେ ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଦୁଇ ମାସ ହେଲା ରାସ୍ତା କାଟି ଯାତାୟତ ବନ୍ଦ କରିଥିବା ନମତରା ଗ୍ରାମବାସୀ ଗତ ୩ ଦିନ ହେଲା ରାସ୍ତାରେ ବାଡ ବୁଜି ଦେବା ଫଳରେ ଚାରିପଟରୁ ନଦୀ ଘେରରେ ଥିବା ପଦନୀପାଳ ପଞ୍ଚାୟତର ଦୈତ୍ୟାରୀପୁର, କଳମଡା ଶାସନ ଓ ପଦନୀପାଳ ଗ୍ରାମବାସୀ ଘରୁ ବାହାରି ପାରୁନାହାନ୍ତି। ଏପରିକି ନମତରା ଗ୍ରାମବାସୀମାନେ ସଂକଟାପନ୍ନ ରୋଗୀ ଓ ପ୍ରସବ ବେଦନାରେ ଥିବା ଜନୈକା ମହିଳାଙ୍କୁ ଡାକ୍ତରଖାନା ଛାଡି ନଥିବାର ଧାରଣାକାରୀ ମାନେ ଅଭିଯୋଗ କରିଛନ୍ତି। ତୁରନ୍ତ ରାସ୍ତା ଅବରୋଧ ହଟାଇବା ଦାବିରେ ୫୦୦ରୁ ଉର୍ଦ୍ଧ୍ବ ଧାରଣାକାରୀମାନେ ବସନ୍ତ ମହାନ୍ତି, ଗୁରୁ ଚରଣ ମହାନ୍ତି ଓ ଯଦୁମଣି ମଲିକଙ୍କ ନେତୃତ୍ୱରେ ଧାରଣାରେ ବସିରହିଛନ୍ତି।