ବାଇକକୁ ଧକ୍କା ଦେଲା ଟିପ୍ପର, ଘଟଣାସ୍ଥଳରେ ଆରୋହୀ ମୃତ

ପଦ୍ମପୁର: କେନ୍ଦୁଝର ସଦର ଥାନା ଅନ୍ତର୍ଗତ ୨୦ନମ୍ବର ଜାତୀୟ ପ୍ରାଧିକରଣ ପଦ୍ମପୁର ଓଭର ବ୍ରିଜ ଓଡ଼ିଶା ଗ୍ରାମବ୍ୟାଙ୍କ ସମ୍ମୁଖ ଓଭର ବ୍ରିଜ ନିକଟରେ ଆଜି ସକାଳୁ ଏକ ମର୍ମଦୁନ୍ତ ସଡକ ଦୁର୍ଘଟଣା ଘଟିଯାଇଛି। ଏକ (ଓଆର-ଜିର-୯-ଜି-୯୮୩୭) ବାଜାଜ ପ୍ଲାଣ୍ଟିନା ବାଇକୁ (ଓଆର-୦୯-କେ-୭୫୬୪) ନମ୍ବର ବିଶିଷ୍ଟ ଏକ ୬ ଚକିଆ ଟିପ୍ପର ଧକ୍କା ଦେଇଥିଲା। ଟିପ୍ପର ଆରୋହୀକୁ ଧକ୍କାଦେବାରୁ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକ ବାଇକ୍ ଆରୋହୀ ଜଣଙ୍କ ପରିଚୟ ମିଳିପାରିନାହିଁ।

ପ୍ରାପ୍ତ ସୂଚନା ଅନୁସାରେ, ଟିପ୍ପରଟି ଝୁମ୍ପୁରା ପଟୁ ପଦ୍ମପୁର ଅଭିମୁଖେ ଆସୁଥିଲା। ସମାନ ଦିଗରେ ଆସୁଥିବା ବାଇକ୍ ଆରୋହୀଙ୍କୁ ଟିପ୍ପର ଚାଳକ ପଛପଟୁ ନିୟନ୍ତ୍ରଣ ହରାଇ ଧକ୍କା ଦେବା ପରେ ରାସ୍ତାର ଲୁହାଵାଡ ପର୍ଯ୍ୟନ୍ତ ଘୋସାରି ଆଣିଥିଲା। ଫଳରେ ବ୍ୟକ୍ତିଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ସଦର ଥାନା ପୁଲିସ ପହଞ୍ଚି ଉଭୟ ଦୁର୍ଘଟଣାଗ୍ରସ୍ତ ଗାଡି ଓ ମୃତଦେହ ଜବତ କରି ତଦନ୍ତ ଆରମ୍ଭ କରିଥିଲା। ପରେ ପୁଲିସ୍‌ ଶବ ବ୍ୟବଛେଦ ପାଇଁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଦୁର୍ଘଟଣା ଘଟାଇଥିବା ଟିପ୍ପର ରାଇସୁଆ ଅଞ୍ଚଳର ବୋଲି ପ୍ରତ୍ୟେକ୍ଷଦର୍ଶୀଙ୍କ ଠାରୁ ପ୍ରକାଶ ପାଇଛି। ଚାଳକ ଖସି ଯିବାକୁ ଉଦ୍ୟମ କରୁଥିବା ବେଳେ ଲୋକେ ତାଙ୍କୁ କାବୁ କରି ପୁଲିସ ଜିମା ଦେଇଛନ୍ତି।