ଟ୍ରକ୍ ଭିତରୁ ଡ୍ରାଇଭରଙ୍କ ମୃତଦେହ ଉଦ୍ଧାର: ହତ୍ୟା ସନ୍ଦେହ

ପଦ୍ମପୁର: କେନ୍ଦୁଝର ସଦର ଥାନା ଅନ୍ତର୍ଗତ ବନାଯୋଡି ଟୋଲଗେଟ ନିକଟ ରାସ୍ତା କଡରେ ଠିଆ ହୋଇଥିବା ଏକ ଟ୍ରକ୍ ଭିତରୁ ଜଣେ ଡ୍ରାଇଭରଙ୍କ ମୃତଦେହ ଉଦ୍ଧାର ହୋଇଛି। ମୃତକ ଜଣଙ୍କ ମଧ୍ୟପ୍ରଦେଶ ସିଦ୍ଧି ଜିଲ୍ଲା ବାଲହରା ଅଞ୍ଚଳର ରାମ ନରେଶ ସାହୁ (୨୮)। ତେବେ ଏହି ଘଟଣା ନେଇ ପରିବାର ପକ୍ଷରୁ ହତ୍ୟା ଅଭିଯୋଗ ହୋଇଛି।ଘଟଣାସ୍ଥଳରେ ସଦର ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।

ଘଟଣାରୁ ପ୍ରକାଶ ଯେ'(ସିଜି-୦୪-ଏନ୍ ଏଚ୍ ୪୮୦୦)ନମ୍ବର ବିଶିଷ୍ଟ ଏକ ୧୪ ଚକିଆ ଟ୍ରକ୍ ଆଇରନ ପାଇଁ ଯାଜପୁରରୁ ବାହାରି କେନ୍ଦୁଝର ଜିଲ୍ଲା ଯୋଡ଼ା ଅଞ୍ଚଳକୁ ଯାଉଥିଲା। ୨୦ ନମ୍ୱର ଜାତୀୟ ରାଜପଥ ପ୍ରାଧିକରଣ ବନାଯୋଡ଼ି ଟୋଲ୍ ଗେଟ୍ ନିକଟରେ ରାସ୍ତାକଡ଼ରେ ଟ୍ରକ୍ ଡ୍ରାଇଭର୍ ଗାଡି ଅଟକାଇ ଶୋଇଥିଲେ। ଏହି ସମୟରେ କେହି ଦୁର୍ବୃତ୍ତ ଡ୍ରାଇଭରଙ୍କୁ ହତ୍ୟା କରିଥିବା ପୁଲିସ ପ୍ରାଥମିକ ତଦନ୍ତରୁ ଜଣାପଡ଼ିଛି। ନରେଶଙ୍କୁ କେହି ହତ୍ୟା କରିଥିବା ତାଙ୍କର ସମ୍ପର୍କୀୟ ଭାଇ ଅଭିଯୋଗ କରିଛନ୍ତି। ଏହି ଘଟଣାରେ ସଦର ଥାନା ପୁଲିସ ଅଧିକ ତଦନ୍ତ ଜାରି ରଖିଛି।