ତେଲକୋଇ: କେନ୍ଦୁଝର ବନଖଣ୍ଡ ତେଲକୋଇ ରେଞ୍ଜରେ ହାତୀ ଉପଦ୍ରବ ଥମିବାର ନାଁ ଧରୁନି। ଗତକାଲି ବିଳମ୍ବିତ ରାତିରେ ପଡାଙ୍ଗ ପଞ୍ଚାୟତ ନିପିଣ୍ଡା ଗ୍ରାମରେ ୧୨ଟିକିଆ ହାତୀପଲ ପଶି ବସନ୍ତ ମାଝୀ, ଚୈତନ୍ୟ ମାଝୀଙ୍କ ୩ ବଖରା ଘର ଭାଙ୍ଗି ଧାନ ଚାଉଳ ଖାଇ ଦେଇଛନ୍ତି। ଘର ଭିତରେ ପ୍ରମିଳା ମାଝୀ ଓ ତାଙ୍କ ଅଢେଇ ବର୍ଷର ଶିଶୁପୁତ୍ର ଥିଲେ। ହାତୀ ଘର ଭାଙ୍ଗୁଥିବା ଜାଣି ଜୀବନ ବଞ୍ଚାଇବାକୁ କୌଶଳ କରି ପଡୋଶୀ ଘରକୁ ଚାଲି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଦୀର୍ଘ ୩ ଘଣ୍ଟା ଉତ୍ପାତ ସମୟ ହାତୀ ଉତ୍ପାତ ପରେ କଳାପାଟ ସଂରକ୍ଷିତ ଜଙ୍ଗଲକୁ ପଳାଇଥିଲେ। ସେହିଭଳି ରାଙ୍କି ଗ୍ରାମର ଗୋଲଖ ନାଏକଙ୍କ ଘର ଭାଙ୍ଗି ଧାନ ଚାଉଳ ଖାଇଛନ୍ତି। ଅନ୍ୟମାନଙ୍କ ବାଡ଼ିରେ ପଶି କଦଳୀ ଓ ନଡିଆ ଗଛ ନଷ୍ଟ କରିଦେଇଛନ୍ତି। ତେଲକୋଇ ଅଞ୍ଚଳରେ ବର୍ଷ ତମାମ ହାତୀ ଉପଦ୍ରବ ଲାଗି ରହିଥିବାରୁ ଲୋକେ ଆତଙ୍କିତ ଅବସ୍ଥାରେ ରହୁଛନ୍ତି।