ହାଟଡ଼ିହି : ପାଣି ପାଇଁ ରାସ୍ତାରୋକ
ହାଟଡ଼ିହି: କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକ ଢେଙ୍କା ପଞ୍ଚାୟତର ଝଣଝଣା ଗ୍ରାମବାସୀ ପିଇବା ପାଣି ପାଇଁ ରାସ୍ତାରୋକ କରିଛନ୍ତି। ଆଜି ସକାଳୁ ଶତାଧିକ ଗ୍ରାମବାସୀ ଛେନାପଦି-ହଦଗଡ଼ ରାସ୍ତାକୁ ଢେଙ୍କା ଛକ ନିକଟରେ ଅବରୋଧ କରିଥିଲେ। ଫଳରେ ଉଭୟ ପାର୍ଶ୍ୱରେ ଯାନବାହନ ଅଟକି ରହିବା ସହ ଲୋକମାନେ ଯାତାୟାତ କ୍ଷେତ୍ରରେ ଅସୁବିଧାର ସମ୍ମୁଖୀନ ହୋଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ ଏହି ଗ୍ରାମରେ ୮୦ରୁ ଉର୍ଦ୍ଧ୍ବ ପରିବାର ବସବାସ କରୁଥିବା ବେଳେ ଆଜିକୁ ୫ମାସ ହେବ ପାନୀୟ ଜଳ ଯୋଗାଣ ବନ୍ଦ ରହିଛି। ତିନୋଟି ନଳକୂପ ମଧ୍ୟରୁ ୨ଟି ଅଚଳ ଥିବାବେଳେ ଗୋଟିଏ ନଳକୂପରୁ ପୋକ ବାହାରୁଛି । ଲୋକମାନେ ବାଧ୍ୟ ହୋଇ ସେହି ପାଣିକୁ ବ୍ୟବହାର କରୁଛନ୍ତି ।
ଗୋଟିଏ କୂଅ ଥିଲେ ମଧ୍ୟ ତାହା ଅପରିଷ୍କାର ହୋଇ ପଡିଛି । ୪୦ଫୁଟ ତଳେ ପାଣି ଥିବାରୁ ବାହାର କରିବା ସମ୍ଭବ ହେଉନି । ଲୋକମାନେ ସରପଞ୍ଚଙ୍କୁ ଅଭିଯୋଗ କଲେ ବି କିଛି ସୁଫଳ ନ ମିଳିବାରୁ ବାଧ୍ୟ ହୋଇ ରାସ୍ତାରୋକ କରିଛନ୍ତି। ଜଳଯୋଗାଣ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।