ମୋରମ ମାଫିଆଙ୍କ ଆକ୍ରମଣର ଶିକାର ହେଲେ ବୋଲଗଡ ତହସିଲଦାର

ଖୋର୍ଦ୍ଧା : ବୋଲଗଡ ବ୍ଳକ ଗୋପାଳପୁର ପଞ୍ଚାୟତର ନାରାୟଣୀପଡାରେ ବେଆଇନ ମୋରମ ଖୋଳା ଯାଉଥିବା ଖବର ପାଇ ବୋଲଗଡ ତହସିଲଦାର ଏବଂ ତାଙ୍କର ଏକ ଟିମ୍ ଚଢାଉ କରିଥିଲେ। । ଚଢାଉ ସମୟରେ ଦୁଇଟି ଟ୍ରାକ୍ଟର ଓ ଗୋଟିଏ ଜେସିବି ମେସିନକୁ ଜବତ କରିଥିଲେ। ଏହି ସମୟରେ ନାରାୟଣୀପଡାର ଗୋପବନ୍ଧୁ ରଣସିଂହ ଘଟଣାସ୍ଥଳରେ ପହଞ୍ଚି ତହସିଲଦାର ଓ ତହସିଲ କର୍ମଚାରୀଙ୍କୁ ଗାଳିଗୁଳଜ କରିବା ସହ ମରଣାନ୍ତକ ଆକ୍ରମଣ କରିଥିବାର ତହସିଲଦାର ଓ ତାଙ୍କର କର୍ମଚାରୀ ବେଗୁନିଆ ଥାନାରେ ଲିଖିତ ଅଭିଯୋଗ କରିଛନ୍ତି ।

ପୁଲିସ ଅଭିଯୋଗ ପାଇବା ପରେ ବେଗୁନିଆ ଥାନାରେ ଏକ ମାମଲା ରୁଜୁ କରି ମୋରମ ଖଣିରେ ବ୍ୟବହୃତ ଦୁଇଟି ଟ୍ରାକ୍ଟର ଓ ଗୋଟିଏ ଜେସିବି ମେସିନକୁ ଜବତ କରିବା ସହ ଏହି ଘଟଣାରେ ଜଣଙ୍କୁ ଗିରଫ କରିଥିବା ବେଗୁନିଆ ଥାନା ଅଧିକାରୀ ସୂଚନା ଦେଇଛନ୍ତି ।