ଖୋର୍ଦ୍ଧା ଗ୍ରାମାଂଚଳରେ କରୋନା ସ୍ଥିତି : ୩୭ ସଂକ୍ରମିତ, ୮୯ ସୁସ୍ଥ
ଖୋର୍ଦ୍ଧା : ଖୋର୍ଦ୍ଧା ଗ୍ରାମାଂଚଳରେ ଆଜି ସକାଳ ସୁଦ୍ଧା ୩୭ଜଣ କରୋନା ପଜିଟିଭି୍ଙ୍କୁ ଚିହ୍ନଟ କରାଯାଇଛି । ଏହି ସଂଖ୍ୟା ଗତ ଅପ୍ରିଲ୍ ମାସ ଠାରୁ ସର୍ବନିମ୍ନ ବୋଲି ଜଣାପଡ଼ିଛି । ଏହା ସହିତ ୮୯ ସଂକ୍ରମିତ ସୁସ୍ଥ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ସ୍ୱାସ୍ଥ୍ୟ ବିଭାଗରୁ ମିଳିଥିବା ତଥ୍ୟାନୁସାରେ, ଆଜି ଚିହ୍ନଟ ହୋଇଥିବା ପଜିଟିଭଙ୍କ ମଧ୍ୟରୁ ବାଲିଅନ୍ତାରୁ ୭, ବାଲିପାଟଣାରୁ ୩, ଭୁବନେଶ୍ୱର ବ୍ଲକରୁ ୪, ଜଟଣୀ ବ୍ଲକ ଓ ପୌରାଂଚଳରୁ ୪, ଖୋର୍ଦ୍ଧା ବ୍ଲକ ଓ ପୌରାଂଚଳରୁ ୮, ବୋଲଗଡ଼ରୁ ଜଣେ, ଟାଙ୍ଗୀରୁ ୪ଜଣ ଓ ଚିଲିକା-ବାଲୁଗାଁ ଏବଂ ବାଣପୁରରୁ ୩ଜଣ ଲେଖାଏଁ ରହିଥିବା ବେଳେ ବେଗୁନିଆରୁ କୌଣସି ସଂକ୍ରମିତଙ୍କୁ ଚିହ୍ନଟ କରାଯାଇନାହିଁ । ଦୈନିକ ନୂତନ ସଂକ୍ରମିତଙ୍କ ସହ ମୋଟ ସଂକ୍ରମିତଙ୍କ ସଂଖ୍ୟା, ୧୧, ୯୩୮ ହୋଇଛି । ଅପରପକ୍ଷରେ ଆଜି ସକାଳ ସୁଦ୍ଧା ୮୯ଜଣ ସଂକ୍ରମିତ ସୁସ୍ଥ ହୋଇଥିବା ବେଳେ ମୋଟ ସୁସ୍ଥଙ୍କ ସଂଖ୍ୟା ୧୧,୩୮୪ ଛୁଇଁଛି । ବର୍ତମାନ ସୁଦ୍ଧା ୫୬ଟି ସଂକ୍ରମଣଜନିତ ମୃତ୍ୟୁ ରେକର୍ଡ କରାଯାଇଥିବା ବେଳେ ୫୩୫ଜଣ ଚିକିତ୍ସାଧୀନ ଅଛନ୍ତି ।