ବିଏମସି ଆରମ୍ଭ କରିବ ହ୍ୱିଲ ଅଫ କାଇଣ୍ଡନେସ୍ ସେବା, ମାଗଣାରେ ମିଳିବ ବସ୍ତ୍ର
ଭୁବନେଶ୍ୱର: ରାଜଧାନୀରେ ଆରମ୍ଭ ହେବ ହ୍ୱିଲ ଅଫ କାଇଣ୍ଡନେସ ସେବା | ଭୁବନେଶ୍ୱର ମ୍ୟୁନିସିପାଲ କର୍ପୋରେସନ ପକ୍ଷରୁ ଭୁବନେଶ୍ୱରରେ ଏହି ସେବା ଆରମ୍ଭ କରାଯିବ | ଏହି ସେବା ମାଧ୍ୟମରେ ଗରିବ ଲୋକ ଯେଉଁମାନେ ଦୋକାନରୁ ବସ୍ତ୍ର କିଣି ପିନ୍ଧିପାରୁନାହାନ୍ତି ସେମାନଙ୍କୁ ମାଗଣାରେ ବସ୍ତ୍ର ପ୍ରଦାନ କରାଯିବ | ଆଉ ଆପଣ ବି ଏହି କାର୍ଯ୍ୟକ୍ରମରେ ଯୋଗ ଦେଇପାରିବେ | ଏହି କାର୍ଯ୍ୟକ୍ରମର ପରିକଳ୍ପନା ଅନୁଯାୟୀ ଆପଣ ଆପଣଙ୍କର ପିନ୍ଧା ବସ୍ତ୍ରକୁ ଗରିବ ଲୋକଙ୍କୁ ଦେଇପାରିବେ |
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱରରେ ଥିବା ଲୋକମାନେ ଯେଉଁମାନେ ବସ୍ତ୍ର ଦେବାକୁ ଇଛୁକ ନିଜ ପୁରୁଣା ବସ୍ତ୍ର ଏହି କାମ ପାଇଁ ନିୟୋଜିତ ଏନଜିଓକୁ ପ୍ରଦାନ କରିବେ | ସେହି ଏନଜିଓ ସମସ୍ତ ବସ୍ତ୍ରକୁ ଧୋଇବେ, ଈସ୍ତ୍ରୀ କରିବେ ଓ ତାହାକୁ ପୁରୁଷ,ମହିଳା,ଛୁଆ ଇତ୍ୟାଦି ତିନୋଟି ବିଭାଗରେ ଶର୍ଟ ଲିଷ୍ଟେଡ଼ କରିବେ | ଏହା ପରେ ଏହି ବସ୍ତ୍ରକୁ ଗରିବ ଲୋକଙ୍କୁ ଦିଆଯିବ |
ଏହି କାର୍ଯ୍ୟକ୍ରମ ପାଇଁ ଏକ ବସକୁ ଡିଜାଇନ କରାଯାଇଛି, ଏହି ବସରେ ସେହି ବସ୍ତ୍ରଗୁଡିକୁ ନିଆଯାଇ ରାଜଧାନୀର ବିଭିନ୍ନ ସ୍ଥାନରେ ଥିବା ବସ୍ତ୍ରହୀନ ଲୋକଙ୍କୁ ମାଗଣାରେ ଏହି ସବୁ ବସ୍ତ୍ର ପ୍ରଦାନ କରାଯିବ |