ଧଉଳି : ପାରିବାରିକ କଳହକୁ କେନ୍ଦ୍ର କରି ଗର୍ଭବତୀ ପତ୍ନୀର ପେଟକୁ ଗୋଇଠା ମାରି ଗର୍ଭ ନଷ୍ଟ କରିବା ମାମଲାରେ ଆଜି ଉତ୍ତରାଫାଣ୍ଡି ପୁଲିସ ସଂପୃକ୍ତ ସ୍ବାମୀକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଯୁବକ ହେଲେ ଉତ୍ତରାଫାଣ୍ଡି ଅଧୀନ ମଧୁପୁର ଗ୍ରାମର ବସନ୍ତ କୁମାର ଜେନା (୩୮) । କୋର୍ଟରେ ବସନ୍ତର ଜାମିନ କାମଂଜୁର ହେବାରୁ ବସନ୍ତକୁ ନିମାପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଏନେଇ ପିପିଲି ଥାନାରେ ୫୭/୨୦ ରେ ମାମଲା ରୁଜୁ ହୋଇଥିଲା । ମାମଲା ରୁଜୁ ହେବାର ଦୀର୍ଘ ୧୦ ମାସ ପରେ ଆଜି ଉତ୍ତରାଫାଣ୍ଡି ପୁଲିସ ବସନ୍ତକୁ ଗିରଫ କରି କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନାନୁଯାୟୀ ଉତ୍ତରାଫାଣ୍ଡି ଅଧୀନ ମଧୁପୁର ଗ୍ରାମର ବସନ୍ତ ୨୦୧୦ ମସିହାରେ ସହୀଦନଗର ଥାନା ଅଧୀନ ସତ୍ୟକାଳୀ ବସ୍ତିର ରାଜଲକ୍ଷ୍ମୀ ଜେନାଙ୍କୁ (୩୩) କୁ ବୈଦିକ ରୀତିରେ ବିବାହ କରିଥିଲେ । ହେଲେ ସେ ପତ୍ନୀଙ୍କ ସହ ଶ୍ବଶୁର ଘର ସତ୍ୟକାଳୀ ବସ୍ତିରେ ରଡୁଥିଲେ । ଗତବର୍ଷ ଫେବ୍ରୁଆରୀ ମାସରେ ବସନ୍ତ ଓ ରାଜଲକ୍ଷ୍ମୀଙ୍କ ଭିତରେ ଗଣ୍ଡଗୋଳ ହୋଇଥିଲା । ଏଥିରେ ରାଗିଯାଇ ବସନ୍ତ ଗର୍ଭବତୀ ଥିବା ରାଜଲକ୍ଷ୍ମୀଙ୍କ ପେଟକୁ ଗୋଇଠା ମାରିଥିବା ନେଇ ଅଭିଯୋଗ ହୋଇଥିଲା । ଫଳରେ ରାଜଲକ୍ଷ୍ମୀ ପେଟରେ ଥିବା ପିଲା ନଷ୍ଟ ହୋଇଯାଇଥିଲା । ଗର୍ଭପାତ କରିବା ପାଇଁ ରାଜଲକ୍ଷ୍ମୀ ହସ୍ପିଟାଲ ଯାଇଥିଲେ । ହେଲେ ସ୍ବାମୀ ଦସ୍ତଖତ ନହେଲେ କିମ୍ବା ତାଙ୍କର ଆଧାର ପରିଚୟ ପତ୍ର ନଦେଲେ ଡାକ୍ତର ଗର୍ଭପାତ ହୋଇପାରିବ ନାହିଁ କହିଥିଲେ । ତେଣୁ ବାଧ୍ୟ ହୋଇ ରାଜଲକ୍ଷ୍ମୀଙ୍କ ମାଆ ସୁଲୋଚନା ଜେନା ଆଧାର ନେବା ପାଇଁ ମଧୁପୁର ଆସିଥିଲେ । ହେଲେ କାର୍ଡ଼ ଦେବା ବଦଳରେ ବସନ୍ତ ଓ ତାଙ୍କ ପରିବାର ଲୋକ ସୁଲୋଚନାଙ୍କୁ ମାଡ଼ମାରିଥିବା ଅଭିଯୋଗ ହୋଇଥିଲା ।