ଚିତ୍ରକୋଣ୍ଡା ପୁଲିସ ଦ୍ଵାରା ୫ କୋଟିରୁ ଉର୍ଦ୍ଧ୍ବ ମୂଲ୍ୟର ଗଞ୍ଜେଇ ଗଛ ନଷ୍ଟ
ଚିତ୍ରକୋଣ୍ଡା: ଚିତ୍ରକୋଣ୍ଡା ପୁଲିସ ଦ୍ୱାରା ଚିତ୍ରକୁଣ୍ଡା ପଞ୍ଚାୟତ ଅନ୍ତର୍ଗତ ରାଜୁଲକୋଣ୍ଡା ଗ୍ରାମ ଓ ବଡ଼ପଦର ପଞ୍ଚାୟତର ରେଖାପଲ୍ଲୀ ବନଗୁରୁ ଗ୍ରାମରେ ଲଗାଯାଇଥିବା ବହୁ ପରିମାଣର ବେଆଇନ ଗଞ୍ଜେଇ ଗଛକୁ ନଷ୍ଟ କରାଯାଇଛି।
ସୂଚନା ଅନୁଯାୟୀ ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ବିବେଦୀଙ୍କ ନେତୃତ୍ବରେ ପୁଲିସର ଏକ ଟିମ୍ ଦ୍ୱାରା ରାଜୁଲକୋଣ୍ଡା ଗ୍ରାମ ଓ ରେଖାପଲ୍ଲୀ ବନଗୁରୁ ଅଞ୍ଚଳରେ ଚଢ଼ାଉ କରାଯାଇଥିଲା। ସେଠାରୁ ବେଆଇନ ଭାବେ ୭୦ ଏକର ଜମିରେ ଲଗାଯାଇଥିବା ୯୮ ହଜାର ଗଞ୍ଜେଇ ଗଛ ନଷ୍ଟ କରିବା ସହ ପୋଡ଼ି ଦିଆଯାଇଥିଲା। ଏହାର ଆନୁମାନିକ ମୂଲ୍ୟ ୫ କୋଟି ଷାଠିଏ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ପୁଲିସ ସୂଚନା ଦେଇଛି।
Sambad is now on WhatsApp
Join and get latest news updates delivered to you via WhatsApp
ଏହି ଚଢ଼ାଉରେ ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ବିବେଦୀ, ଏଏସଆଇ ରାଜେନ୍ଦ୍ର ପାଙ୍ଗି, ଚିତ୍ରକୋଣ୍ଡା ଥାନାର କନେଷ୍ଟବଳ ଓ ହୋମଗାର୍ଡ ସାମିଲ ହୋଇଥିଲେ। ଆଗକୁ ଏଭଳି ଚଢ଼ାଉ ଜାରି ରହିବ ବୋଲି ଏସଡିପିଓ ପ୍ରକାଶ କରିଛନ୍ତି।