କୋରାପୁଟ: ଗ୍ୟାସ ବୋଝେଇ ଟ୍ରକ ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। କ୍ଷତିପୂରଣ ଦାବିରେ ଗ୍ରାମବାସୀମାନେ ସେମିଳିଗୁଡ଼ା-ଦାମନଯୋଡ଼ି ରାସ୍ତା ଅବରୋଧ କରିଥିବା ବେଳେ ଘଟଣାସ୍ଥଳରେ ପରିସ୍ଥିତି ଉତ୍ତେଜନାମୂଳକ ଥିବା ଜଣାଯାଇଛି।
ସୂଚନା ଅନୁଯାୟୀ, କୋରାପୁଟ ଜିଲ୍ଲା କାଣ୍ଡଗୁଡା ଗ୍ରାମର ଯୁବକ ଖଗପତି ଜାନି (୩୫) ହିରୋହୋଣ୍ଡା ବାଇକ(ଓଡି୧୦ଟି ୫୦୬୫)ରେ ଯାଉଥିବା ବେଳେ ଭେଜାପୁଟ ମା ମଙ୍ଗଳା ଲଜ ନିକଟରେ ଏକ ଗ୍ୟାସ ବୋଝେଇ ଟ୍ରକ ତାଙ୍କୁ ଧକ୍କା ଦେଇଥିଲା। ଏହାଫଳରେ ଭରସାମ୍ୟ ହରାଇ ସେ ପଛ ଚକା ତଳେ ପଡ଼ିଯାଇଥିଲେ। ଏହାପରେ ଟ୍ରକର ଚକା ତାଙ୍କର ଅଣ୍ଟା ଉପରେ ଚଢ଼ିଯାଇଥିଲା। ଏହାଫଳରେ ଘଟଣାସ୍ଥଳରେ ହିଁ ଖଗପତି ଜାନିଙ୍କର ପ୍ରାଣବାୟୁ ଉଡ଼ିଯାଇଥିଲା। ଏହାପରେ ମୃତ୍ୟୁଜନିତ କ୍ଷତିପୂରଣ ଦାବିରେ ଗ୍ରାମବାସୀମାନେ ସେମିଳିଗୁଡ଼ା-ଦାମନଯୋଡ଼ି ରାସ୍ତା ଅବରୋଧ କରିଥିବା ବେଳେ ଘଟଣାସ୍ଥଳରେ ପରିସ୍ଥିତି ଉତ୍ତେଜନାମୂଳକ ଥିବା ଜଣାଯାଇଛି।
ତେଣେ ସୁନାବେଡ଼ା ଓ ଦାମନଯୋଡ଼ି ପୁଲିସ ଏହାର ସମାଧାନ ପାଇଁ ଉଦ୍ୟମ ଜାରି ରଖିଛି।