ହୋଲିରେ ବସ୍ତିରୁ ବିପୁଳ ପରିମାଣର ବିଦେଶୀ ମଦ ଜବତ

ରାଉରକେଲା: ହୋଲିରେ ମଦ ବିକ୍ରି ବନ୍ଦ ଥିବା ବେଳେ ଏହାର ଫାଇଦା ଉଠାଇଥିଲେ ଚୋରା ବେପାରୀ l ବେଆଇନ ଭାବେ ଚଢ଼ା ଦରରେ ଲୋକଙ୍କୁ ବିଦେଶୀ ମଦ ବିକୁଥିଲେ l ସୂଚନା ପାଇ ସେକ୍ଟର-୧୫ ଥାନା ପୁଲିସ ଉତ୍କଳ ବସ୍ତିର ଏକ ଢାବାରେ ଚଢ଼ାଉ କରିଥିଲା l ଢାବାରୁ ବିପୁଳ ପରିମାଣର ବେଆଇନ ବିଦେଶୀ ମଦ ଜବତ କରିଥିଲା l

ହୋଲି ଦିନ ମଦ ବିକ୍ରି ବନ୍ଦ ଥିବା ବେଳେ ବେଆଇନ ବିଦେଶୀ ମଦ ବିକ୍ରି କରୁଥିବା ଅଭିଯୋଗରେ ଉକ୍ତ ଅଂଚଳର ଜଣେ ବ୍ୟକ୍ତିଙ୍କୁ ପୁଲିସ ଗିରଫ କରିଛି । ଗିରଫ ବ୍ୟକ୍ତି ହେଲେ ଅବତାର ସିଂ l ପୂର୍ବରୁ ସେ ମଧ୍ୟ ଏପରି ଚୋରା ମଦ କାରବାରରେ ଲିପ୍ତ ଥିବା ପୁଲିସ କହିଛି । ଗିରଫ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି l