ଅବକାରୀ ଚଢ଼ଉ, ୪୨୦ ଲିଟର ଦେଶୀ ମଦ ଓ କାର ଜବତ

ଆଠଗଡ: କଟକ ଜିଲ୍ଲାର ଅବକାରୀ ସୁପରିଟେଣ୍ତଟ ଦେବାଶିଷ ପଟେଲଙ୍କ ନିର୍ଦ୍ଦେଶକ୍ରମେ ତଥା ଆଠଗଡ ଅବକାରୀ ଡେପୁଟି ସୁପରିଟେଣ୍ତ ପ୍ରମୋଦ କୁମାର ପଣ୍ଡାଙ୍କ ତତ୍ତ୍ୱାବଧାନରେ ସୋମବାର ଚଢ଼ଉ କରାଯାଇଥିଲା। ତିଗିରିଆ ଥାନା ଅନ୍ତର୍ଗତ କଲରାଗଡ ଛକଠାରେ ତଲାସୀ ଜାରି ଥିଲା ବେଳେ ଏକ କାରରେ ଦେଶୀ ମଦ ଚୋରାଚାଲାଣ ହେଉଥିବା ସମୟରେ ମଦ ସହ କାରକୁ ଜବତ କରି ଆଠଗଡ ଅବକାରୀ କାର୍ଯ୍ୟାଳୟକୁ ଅଣାଯାଇଥିଲା। ଜବତ ମଦର ପରିମାଣ ୪୨୦ ଲିଟର। ଜବତ କାରର ନମ୍ବର ଓଆର-୦୨-ଟି-୮୫୨୫। ଗିରଫ ଆସାମୀ ହେଲେ ଢେଙ୍କାନାଳ ଜିଲ୍ଲାର ଭାପୁର ଥାନା ଅନ୍ତର୍ଗତ ଧୀରପାଟଣା ଗ୍ରାମର ସିତୁନୁ ସାହୁ ବୋଲି ଅବକାରୀ ବିଭାଗ ସୂତ୍ରରୁ ଜଣାପଡ଼ିଛି।

ଜବତ କାରରେ ଆଡଭୋକେଟ ଲୋଗୋ ମରାଯାଇଥିବା ଜଣାପଡିଛି। ଏହି ଚଢଉରେ ଆଠଗଡ ଅବକାରୀ ଇନିସପେକ୍ଟର କେଶବ ଚନ୍ଦ୍ର ଦାସ, ସବ ଇନିସପେକ୍ଟର ସୌମ୍ୟ ରଞ୍ଜନ ମାଝୀ, ସନ୍ତୋଷ କୁମାର ମହାରଣା, ସନାତନ ବେହେରା, ଚନ୍ଦନ କୁମାର ସିଂହ, ଜ୍ୟୋତି ପ୍ରକାଶ ଲେଙ୍କା ପ୍ରମୁଖ ସାମିଲ ଥିଲେ।