ଡମପଡା: ଆଜି ଅପରାହ୍ନରେ କଟକ ଜିଲ୍ଲା ବାଙ୍କୀରେ କାଳବୈଶାଖୀ ଯୋଗୁଁ ପ୍ରବଳ ଘୂର୍ଣ୍ଣିଝଡ ହୋଇଥିଲା। ବାଙ୍କୀ କଟକ ମୁଖ୍ୟ ରାସ୍ତା କଇଁ ମୁଣ୍ଡି, ପାଥପୁର ସହିତ ସହିତ  ବିଭିନ୍ନ ସ୍ଥାନରେ ବଡ଼ବଡ଼ ଗଛ ଉପୁଡି ପଡିବା ଫଳରେ ଯାତାୟତ ବ୍ୟହାତ ହେବା ସହିତ ଯାନବାହନ ଚଳାଚଳ ବନ୍ଦ ରହିଥିଲା। ଏହା ଫଳରେ ବାଙ୍କୀର ବିଭିନ୍ନ ଅଞ୍ଚଳରେ ବିଦ୍ୟୁତ୍ ସରବରାହ ବନ୍ଦ ରହିଛି ଓ ବହୁ ଘରର ଆଜବେଷ୍ଟ୍ ଉଡିଯାଇଥିବା ଜଣାପଡିଛି। ମୁଖ୍ୟ ରାସ୍ତା ଉପରୁ ଅଗ୍ନିଶ୍ରମ ବିଭାଗ ପକ୍ଷରୁ ଗଛ କଟା ଯାଇ ରାସ୍ତା ସଫା କରିବା ପରେ ଲୋକେ ଚଳପ୍ରଚଳ କରିଥିଲେ।