ଭୁଜାଲିରେ ଆକ୍ରମଣ କରି ଦୁଇ ଟ୍ରକ୍ ଚାଳକଙ୍କଠୁ ଲୁଟ୍
ରାଜଗାଙ୍ଗପୁର: ବିଜୁ ଏକ୍ସପ୍ରେସ ୱେର ଲମଲୋଇ ନିକଟରେ ଏକ ଟ୍ରକ୍ ଚାଳକଙ୍କୁ ଭୁଜାଲିରେ ଆକ୍ରମଣ କରି ଲୁଟ୍ ହୋଇଥିବା ନେଇ ଥାନାରେ ଅଭିଯୋଗ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଆଜି ଦିନ ଦ୍ବିପ୍ରହରରେ ଦୁଇଟି ଟ୍ରକ୍ ମାଲ ବୋଝେଇ କରିବାକୁ ରାଉରକେଲା ଅଭିମୁଖେ ଯାଉଥିବା ସମୟରେ ଲମଲୋଇ ବିଜୁ ଏକ୍ସପ୍ରେସ ୱେର ନିକଟରେ ଦୁଇ ଗାଡ଼ିର ଚାଳକ ଟୁନା ଆନସାରି ଓ ମଣ୍ଟୁ ସିଂ ଖାଇବାକୁ ରାସ୍ତାକଡ଼ରେ ଟ୍ରକ୍ ଦୁଇଟିକୁ ଛିଡା କରି ଦୁହେଁ ମିଶି ଟ୍ରକ୍ କେବିନ୍ରେ ଖାଉଥିବା ସମୟରେ ହଠାତ୍ ଏକ ଆପାଚି ମୋଟର ସାଇକଲ୍ରେ ତିନି ଜଣ ଦୁର୍ବୁତ୍ତ ଆସି ଦୁଇ ଟ୍ରକ୍ ଡ୍ରାଇଭରଙ୍କୁ ଟଙ୍କା ମାଗିଥିଲେ । ଚାଳକମାନେ ଏହାର ବିରୋଧ କରିବାରୁ ସେମାନେ ଟ୍ରକ ଚାଳକ ଟୁନା ଆନସାରିଙ୍କୁ ଭୁଜାଲିରେ ପ୍ରାଣାନ୍ତକ ଆକ୍ରମଣ କରିଥିଲେ। ଯାହା ଫଳରେ ଟୁନା ଆନସାରିଙ୍କ ହାତ ପାପୁଲିରେ ଗଭୀର ଆଘାତ ଲାଗିଥିଲା । ଦୁର୍ବୁତ୍ତମାନେ ଚାଳକ ଟୁନାଙ୍କ ଠାରୁ ୪ ହଜାର ଟଙ୍କା ଓ ମୋବାଇଲ ଲୁଟି ନେଇଥିବାବେଳେ ସାଥୀ ଚାଳକ ମଣ୍ଟୁ ସିଂଙ୍କ ଠାରୁ ୩ ହଜାର ଟଙ୍କା ଲୁଟ କରି ବାଇକରେ ଚମ୍ପଟ ମାରିଥିଲେ। ରାସ୍ତାରେ ଯାଇଥିବ ଜଣେ ବାଇକ ଆରୋହି ଆହତ ଟ୍ରକ୍ ଚାଳକ ଟୁନାଙ୍କୁ ବାଇକ ଯୋଗେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଏ ନେଇ ଥାନାରେ ମାମଲା ରୁଜୁ ହୋଇଥିବାବେଳେ ପୁଲିସ ଲୁଟେରାଙ୍କୁ ଧରିବାକୁ ତନାଘନା ଚଳାଇଛି ।