ଲୁହାପାଇପ ଚୋରି କରୁଥିବା ସମୟରେ ଚୋରକୁ ଧରିଲେ ପୁଲିସ ଓ ଗ୍ରାମବାସୀ

ଲକ୍ଷ୍ମୀପ୍ରସାଦ: ବୌଦ୍ଧ ଥାନା ଜହ୍ନlପଙ୍କ ଫାଣ୍ଡି ଅନ୍ତର୍ଗତ ତୁଳସୀପୁର ଗ୍ରାମ ନିକଟରେ ନିର୍ମାଣାଧିନ ଜଳ ଯୋଗାଣ ପ୍ରକଳ୍ପରୁ ଲୁହା ସାମଗ୍ରୀ ଚୋରି କରୁଥିବା ବେଳେ ଗ୍ରାମବାସୀଙ୍କ ହାତରେ ଜଣେ ଯୁବକ ଧରା ପଡିଥିବା ବେଳେ ୭ ଜଣ ଫେରାର ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ତୁଳସୀପୁର ଗ୍ରାମ ନିକଟରେ ଥିବା ନିର୍ମାଣାଧିନ ଜଳ ଯୋଗାଣ ପ୍ରକଳ୍ପର କିଛି ନିର୍ମାଣ ସାମଗ୍ରୀ ରାତି ପ୍ରାୟ ୧୨ ଘଣ୍ଟା ସମୟରେ ଚୋରି କରୁଥିବାବେଳେ ଗ୍ରାମବାସୀ ଜାଣି ପାରି ସେମାନଙ୍କୁ ଗୋଡ଼ାଇ ଥିଲେ l

ବାଉଁଶୁଣି ଥାନା ମୁଣ୍ଡିପଦର ଗ୍ରାମର ସୁବାଷ ସାହୁ ନାମକ ଜଣେ ଯୁବକ ଧରାପଡ଼ିଥିବାବେଳେ ଅନ୍ୟ ୭ ଜଣ ଫେରାର ହୋଇଯାଇଥିଲେ l ଚୋରି ସାମଗ୍ରୀ ସହ ଗୋଟିଏ ଲୁନା ଓ ୭ ଗୋଟି ସାଇକେଲ ଜବତ କରାଯାଇଛି | ପୁଲିସ୍ ଅନ୍ୟ ଅଭିଯୁକ୍ତମାନଙ୍କ ସମ୍ପର୍କରେ ସୂଚନା ସଂଗ୍ରହ କରି ତଦନ୍ତ ଜାରି ରଖିଥିବା ଫାଣ୍ଡି ଅଧିକାରୀ ମଦନ ମୋହନ ପ୍ରଧାନ ପ୍ରକାଶ କରିଛନ୍ତି |