ତେନ୍ତୁଳିଖୁଣ୍ଟି : ଫେସବୁକ ରୁ ଆରମ୍ଭ ହୋଇଥିଲା ଯୁବକ-ଯୁବତୀଙ୍କ ମଧ୍ୟରେ ପ୍ରେମ | ତେବେ ପ୍ରେମିକାଙ୍କୁ ବିବାହର ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିଥିଲା ପ୍ରେମିକ | ପରେ ବିବାହ କରିବାକୁ ମନା କରିବା ପରେ ଥାନାର ଦ୍ୱାରସ୍ତ ହୋଇଛନ୍ତି ପ୍ରେମିକା | ତେନ୍ତୁଳିଖୁଣ୍ଟି ଥାନା ଅନ୍ତର୍ଗତ ନନ୍ଦାହାଣ୍ଡି ବ୍ଲକ ଅଂଚଳରେ ଏଭଳି ଘଟଣା ଦେଖିବାକୁ ମିଳିଛି | ପ୍ରତାରଣାର ଶିକାର ହୋଇଥିବା ପ୍ରେମିକା ଜଣକ ଥାନାର ଦ୍ୱାରସ୍ତ ହୋଇଥିଲେ |
Sambad is now on WhatsApp
Join and get latest news updates delivered to you via WhatsApp
ଆଉ ପ୍ରେମିକାଙ୍କ ଅଭିଯୋଗକୁ ଭିତିକରି ପୁଲିସ ଘଟଣାର ତଦନ୍ତ ପରେ ଅଭିଯୁକ୍ତ ପ୍ରେମିକକୁ ଗିରଫ କରି କୋର୍ଟ ଚାଲାଣ କରାଯାଇଛି | ସୂଚନା ଅନୁଯାୟୀ ନନ୍ଦାହାଣ୍ଡି ବ୍ଲକ ଅନ୍ତର୍ଗତ ସରୁଗୁଡା ଗ୍ରାମର ଯୁଧିଷ୍ଠିର ମାଳି (୨୪) ଙ୍କର ସେହି ବ୍ଲକର ଜଣେ ୨୪ ବର୍ଷୀୟ ଯୁବତୀଙ୍କ ସହ ଫେସବୁକ ମାଧ୍ୟମରେ ପରିଚୟ ସୃଷ୍ଟି ହୋଇଥିଲା | ଦେଢ଼ ବର୍ଷ ତଳେ ଆରମ୍ଭ ହୋଇଥୁବା ଫେସବୁକ ସମ୍ପର୍କ ଦୁଇଜଣଙ୍କୁ ପ୍ରେମ ବନ୍ଧନରେ ବାନ୍ଧିଥିଲା | ଉଭୟେ ଉଭୟଙ୍କୁ ଭଲ ପାଇ ବସିଲେ | ଏମିତିକି ଉଭୟେ ବିବାହ କରିବାର ନିଷ୍ପତ୍ତି ମଧ୍ୟ ନେଇଥିଲେ | ଉଭୟଙ୍କ ମଧ୍ୟରେ ଗଢି ଉଠିଥିଲା ଶାରୀରିକ ସମ୍ପର୍କ | ହେଲେ ପ୍ରେମିକର ଛଳନା ପ୍ରେମକୁ ବୁଝି ପାରିନଥିଲା ପ୍ରେମିକା |
ଯେତେବେଳେ ପ୍ରେମିକା ଜଣକ ବିବାହ ପାଇଁ କହିଥିଲା ସେତେବେଳେ ପ୍ରେମିକ ମନା କରିଦେଇଥିଲା | ଶେଷରେ ପ୍ରତାରିତ ପ୍ରେମିକା ଜଣକ ତେନ୍ତୁଳିଖୁଣ୍ଟି ଥାନାରେ ଏକ ଲିଖିତ ଅଭିଯୋଗ କରିଛନ୍ତି | ଅଭିଯୋଗକାରିଣୀ ପ୍ରେମିକାଙ୍କ ଏତଲାକୁ ଆଧାର କରି ପୁଲିସ ଅଭିଯୁକ୍ତ ପ୍ରେମିକଙ୍କୁ ଗିରଫ କରିଥିଲା | ଆଜି ଉଭୟଙ୍କ ଡାକ୍ତରୀମାଇନା ପରେ ଅଭିଯୁକ୍ତ ପ୍ରେମିକଙ୍କୁ କୋର୍ଟ ଚାଲାଣ କରାଯାଇଥିବା ପୁଲିସ ସୂଚନା ଦେଇଛି |