ଗଂଜେଇ ଜବତ,୫ ଗିରଫ

ମାଲକାନଗିରି : ପଡୋଶୀ ଛତିଶଗଡର କାଂକେର ପୁଲିସ ଆଜି ଗଂଜେଇ ଗାଡି ଜବତ କରିବା ସହ ୫ ଜଣଙ୍କୁ ଗିରଫ କରିଛି। ଏହି ଗାଡି ମାଲକାନଗିରିରୁ ଗଂଜେଇ ନେଇ ମହାରାଷ୍ଟ୍ର ଯାଉଥିବା ଜଣାପଡିଛି। ମହାରାଷ୍ଟ୍ରର ନାସିକ ଏବଂ ଔରାଙ୍ଗାବାଦ ଜିଲ୍ଲାରୁ କିଛି ଲୋକ ମାଲକାନଗିରି ଆସି ସ୍କର୍ପିଓ ଓ ଟୟୋଟା ଗାଡିରେ ଗଂଜେଇ ଲଦି ଯାଉଥିବା ବେଳେ ଛତିଶଗଡର କାଂକେର ଜିଲ୍ଲାରେ ଧରାପଡିବା, ସାଧାରଣରେ ଚର୍ଚା ଚାଲିଛି।

ପ୍ରାୟ ଏକ କ୍ୱିଣ୍ଟାଲରୁ ଅଧିକା ଗଂଜେଇ ନେଇ ଏହି ଦୁଇଟି କାର ଛତିଶଗଡ ପାର ହେବାକୁ ଚେଷ୍ଟା କରୁଥିଲା। କିନ୍ତୁ ପୋଲିସକୁ ବିଶେଷସୂତ୍ରରୁ ଖବର ମିଳିଥିବା ଯେ ଗଂଜେଇ ଗାଡି କାଂକେର ଦେଇ ଯାଉଛି। ତୁରନ୍ତ ଚଢାଉ କରି ଦୁଇଟି ଗାଡି ସହ ୫ ଜଣଙ୍କୁ ଗିରଫ କରାଯାଇଥିଲା। ପ୍ରକାଶଥାଉକି ଏହି ଦୁଇଟି ଗାଡିରେ ଭାରତୀୟ ସେନାର ଷ୍ଟିକର ଏବଂ ଲୋଗୋ ଲାଗାଯାଇଛି। ଯାହାକୁ ବ୍ୟବହାର କରି ମାଫିଆମାନେ ପୁଲିସ ଆଖିରେ ଧୂଳି ଦେଇ ଏତେଦୂର ଚାଲିଯିବାକୁ ସଫଳ ହୋଇଥିଲେ।