ମାଲକାନଗିରିରେ ବଜ୍ରକାପ୍ତା ଉଦ୍ଧାର, ୭ ଗିରଫ

ମାଲକାନଗିରି/ଭୁବନେଶ୍ୱର: ପୁଣି ଥରେ ବୁଧବାର ମାଲକାନଗିରି ଜିଲ୍ଲାରୁ ଦୁର୍ଲଭ ପ୍ରାଣୀ ‘ବଜ୍ରକାପ୍ତା’ ଉଦ୍ଧାର ହୋଇଛି। ବନ ବିଭାଗକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିବା ପରେ ଚଢ଼ାଉ କରାଯାଇ ବଜ୍ରକାପ୍ତା ଉଦ୍ଧାର କରାଯାଇଛି। ଏମ୍‌ଭି-୧୦ ଗାଁ ନିକଟରୁ ବଜ୍ରକାପ୍ତାକୁ ଉଦ୍ଧାର କରାଯାଇଛି। ଦୁର୍ବୃତ୍ତମାନେ ବଜ୍ରକାପ୍ତାକୁ ବାହାରକୁ ଚାଲାଣ କରି ପ୍ରଚୁର ଟଙ୍କା ରୋଜଗାର କରିବାକୁ ଯୋଜନା ପ୍ରସ୍ତୁତ କରିଥିଲେ। ଏହି ଘଟଣାରେ ୭ ଜଣ ଗିରଫ ହୋଇଛନ୍ତି।

ବିଦେଶକୁ ବଜ୍ରକାପ୍ତା ଚାଲାଣ କରି ଲକ୍ଷାଧିକ ଟଙ୍କା ରୋଜଗାର କରିବା ନିଶାରେ ରାଜ୍ୟର ବିଭିନ୍ନ ସ୍ଥାନରେ ର‍୍ୟାକେଟ କାମ କରୁଛି। ଡିସେମ୍ବରରେ କିଛିଦିନ ମଧ୍ୟରେ ବଜ୍ରାକାପ୍ତ ଚୋରା ଚାଲାଣ ଅଭିଯୋଗରେ ଅନେକ ଗୁଡ଼ିଏ ଅଭିଯୁକ୍ତ ଗିରଫ ହୋଇଛନ୍ତି।