କୋଲକାତା ଚାଲାଣ ବେଳେ ବଜ୍ରକାପ୍ତା ଉଦ୍ଧାର: ୮ ଗିରଫ
କାଲିମେଳା: କୋଲକାତା ଚାଲାଣ ହେଉଥିବା ବେଳେ କଂକୁରୁକୋଣ୍ଡା ନାଳ ନିକଟରେ ମାଡ଼ି ବସିଲା ବନ ବିଭାଗ। ୧୨ କେଜି ଓଜନର ଏକ ବଜ୍ରକାପ୍ତା ଉଦ୍ଧାର ହୋଇଛି। କୋଲକାତା ଅଞ୍ଚଳର ଜଣେ ବ୍ୟବସାୟୀଙ୍କ ସମେତ ୮ ଜଣକୁ ଗିରଫ କରି କୋର୍ଟ ଚାଲାଣ କରିଛି କାଲିମେଳା ବନ ବିଭାଗ। ଗିରଫ ଅଭିଯୁକ୍ତମାନଙ୍କ ମଧ୍ୟରେ କାଲିମେଳାର ଜଣେ ଥିବା ବେଳେ ସୁଧାକୋଣ୍ଡା ଗ୍ରାମର ୫ ଜଣ ରହିଥିବାର ଜଣା ପଡିଛି।
Sambad is now on WhatsApp
Join and get latest news updates delivered to you via WhatsApp
ବଜ୍ରକାପ୍ତାକୁ ୪୦ ଲକ୍ଷ ଟଙ୍କାରେ କିଣିବାକୁ ବ୍ୟବସାୟୀଜଣଙ୍କ କୋଲକାତାରୁ ଆସି କାଲିମେଳା ଅଞ୍ଚଳରେ ଡେରା ପକାଇଥିଲେ। ଏସଂପର୍କରେ ଗୁପ୍ତ ସୂଚନା ପାଇ କାଲିମେଳା ରେଞ୍ଜରଙ୍କ ନିର୍ଦେଶରେ ପୋଟେରୁ ଫରେଷ୍ଟର ଶିବାନନ୍ଦ ଲେଙ୍କା ଓ ଅନ୍ୟ କର୍ମଚାରୀ ବଜ୍ରକାପ୍ତା ବିକ୍ରି ପାଇଁ ମୁଲଚାଲ ହେଉଥିବାର ଖବର ପାଇ କଂକୁରୁକୋଣ୍ଡା ନାଳ ନିକଟରେ ଚଢ଼ାଉ କରି ବଜ୍ରକାପ୍ତା ଶହ ୮ ଜଣଙ୍କୁ ଗିରଫ କରିବାରେ ସଫଳ ହୋଇଥିଲେ।