ସୋର୍ଲୁକୋଣ୍ଡା ବ୍ୟାରେଜରୁ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର

ବାଲିମେଳା: ମାଲକାନଗିରି ଜିଲ୍ଲା ବାଲିମେଳା ସହରଠାରୁ ୭କିମି ଦୂରରେ ଥିବା ପଟେରୁ ଜଳସେଚନ ବିଭାଗର ସୋର୍ଲୁକୋଣ୍ଡା ବ୍ୟାରେଜରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି। ଗମ୍ପାକୋଣ୍ଡା ପ୍ରାୟ ୫୦୦ମିଟର ଦୂର ତଥା ଗମ୍ପାକୋଣ୍ଡା କେନାଲ ଭାସୁଥିବା ଜଣେ ଅଜଣା ବ୍ୟକ୍ତିଙ୍କ ମୃତଶରୀରକୁ ଦେଖି ସ୍ଥାନୀୟ ଲୋକଙ୍କଠାରୁ ସୂଚନା ପାଇ ଓର୍କେଲ ଥାନା ଅଧିକାରୀ ଜନ କୁଜୁରଙ୍କ ନେତୃତ୍ୱରେ ଏକ ପୁଲିସ ଟିମ ଘଟଣାସ୍ଥଳରେ ପହଞ୍ଚି ମୃତ ବ୍ୟକ୍ତିଙ୍କ ଶରୀର ଉଦ୍ଧାର କରିଛନ୍ତି।

ତେବେ ମୃତ ବ୍ୟକ୍ତି ଜଣକ କିଏ ଏବଂ କେଉଁ କାରଣରୁ ମୃତ୍ୟୁ ହୋଇଛି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନି। ଏହି ଘଟଣାର ତଦନ୍ତ ଚଳାଇଛି ପୁଲିସ। ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ପୁଲିସ ଏକ ଟିମ ସୋର୍ଲୁକୋଣ୍ଡା ବ୍ୟାରେଜ ନିକଟରେ ପାଟ୍ରୋଲିଂ କରୁଥିବା ସମୟରେ ଏକ ମୋଟର ସାଇକେଲ ଦେଖିବାକୁ ପାଇଥିଲେ। ଆଜି ଶବ ଉଦ୍ଧାର ହୋଇଥିବା ସ୍ଥାନରେ ସେହି ବାଇକ ପଡିଥିବା ଦେଖି ଗାଡିଟିକୁ ଜବତ କରିଥିଲେ। ଆଜି ବାଇକ ଉଦ୍ଧାର ପରେ ବାଇକଟି ମୃତ ବ୍ୟକ୍ତିଙ୍କର ବୋଲି ସନ୍ଦେହ କରି ତଦନ୍ତ ଜାରି ରଖିଛି ପୁଲିସ।