ଖୋର୍ଦ୍ଧା : ଗତ ୧୫ ଦିନ ପୂର୍ବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆମ୍ବୁଲାନ୍ସ ପାର୍କିଂକୁ କେନ୍ଦ୍ର କରି ଜଣେ ଯୁବକ ହାତରେ ଖଣ୍ଡା, ଛୁରୀ ଧରି ଆତଙ୍କ ସୃଷ୍ଟି କରିଥିବା ଘଟଣାରେ ଆଜି ଖୋର୍ଦ୍ଧା ଟାଉନ୍ ଥାନା ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ଚଳିତ ମାସ ୧୧ ତାରିଖ ସକାଳେ, ତରତୁଆର ଅଲିମ ଖାଁ (୨୧) ହାତରେ ଖଣ୍ଡାଧରି କେତେକ ଆମ୍ବୁଲାନ୍ସ ଚାଳକଙ୍କୁ ଆକ୍ରମଣ ପାଇଁ ଗୋଡ଼ାଇଥିଲା । ଏହି ଘଟଣାରେ ପୁଲିସ ସୂଚନା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଂଚିବା ବେଳେ ଅଲିମ ସେଠାରୁ ଫେରାର୍ ହୋଇଯାଇଥିଲା । ଏହି ଘଟଣାରେ ସେକ୍ ଇମ୍ରାନ୍ ଅଲ୍ଲୀ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୁଲିସ ତଦନ୍ତ ଚଳାଇ ଆଜି ଅଲିମଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଥିବା ଥାନା ସୂତ୍ରରୁ ଜଣାଯାଇଛି ।