ଚୋରି ଘଟଣାରେ ଯୁବକ ଗିରଫ, ଲାପଟପ ସହ ହାଡଡିସ୍କ ଜବତ
କୋରାପୁଟ: ଯନ୍ତ୍ରୀଙ୍କ ଘରୁ ଚୋରି ଘଟଣାରେ ଆଜି କୋରାପୁଟ ଟାଉନ ପୁଲିସ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଯୁବକ ଜଣକ ହେଲେ ସହର ମିଶନ କମ୍ପାପାଉଣ୍ଡର କିଶୋର ହିଆଲ(୨୨)। ତାଠାରୁ ଏକ ଲାପଟପ,ହାଡଡିସ୍କ ଓ କିଛି ନକଲି ସୁନା ଗହଣା ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ କୋରାପୁଟ ସହରର ଏକ ଚୋରି ଘଟଣାରେ ଟାଉନ ପୋଲିସ ଦ୍ୱାରା ଜଣେ ଯୁବକ ଗିରଫ ହୋଇଥିବା ଜଣାପଡିଛି ।
ସୂଚନାନୁସାରେ କୋରାପୁଟ ସହରର ଆର୍ଯ୍ୟ କଲୋନୀରୁ ଗତ ୨୫ତାରିଖ ଦିନରେ ଘରେ କେହି ନଥିବା ବେଳେ ଯନ୍ତ୍ରୀ ସଂଜନା ମଣ୍ଡଳଙ୍କ ଘରୁ ଚୋରି ହୋଇଥିଲା ।ଏନେଇ ଥାନାରେ ଅଭିଯୋଗ ହେବାପରେ ଟାଉନ ଥାନା ତରଫରୁ ବିଭିନ୍ନ ସ୍ଥାନରେ ଚଢଉ କରାଯାଇଥିଲା । ଆଜି କୋରାପୁଟ ସହରରୁ ତଦନ୍ତ ଅଧିକାରୀ ଏଏସଆଇ ଚିତରଂଜନ ପ୍ରଧାନୀଙ୍କ ନେତୃତ୍ୱରେ ମିସନ କମ୍ପାଉଣ୍ଡର ଯୁବକ କିଶୋର ହିଆଲ ଗିରଫ କରିବା ସହ ତା ନିକଟରୁ ଚୋରି ଜିନିଷ ଉଦ୍ଧାର ହୋଇଛି । ପୋଲିସ କେସ ନମ୍ବର ୧୫୦/ ୨୧ରେ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିଲା। ଆଜି ପୁଲିସ ଆଇପିସି ଧାରା ୪୫୪ ଓ ୩୮୦ରେ ଆସାମୀକୁ କୋର୍ଟ ଚାଲାଣ କରାଯାଇଥିବା ଟାଉନଥାନା ଆଇଆଇସି ଧିରେନ ପଟ୍ଟନାୟକ କହିଛନ୍ତି ।