ବନ୍ତଳା :ଅନୁଗୁଳ ବ୍ଲକ ମାଣପୁର ଗ୍ରାମ ନିକଟରେ ଆଜି ସନ୍ଧ୍ୟାରେ ବାଇକ ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଥିବାବେଳେ ବାପ ଓ ପୁଅ ଆହତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତସୂଚନା ଅନୁଯାୟୀ ବନ୍ତଳା ଥାନା କରଡାସିଙ୍ଗ ଗ୍ରାମର କାହ୍ନୁ ଗୋଛାୟତ (୨୪) ପ୍ରତିଦିନ ଭଳି ଆଜି ମଧ୍ୟ ବନ୍ତଳା ଅଞ୍ଚଳକୁ ଦିନ ମଜୁରିଆ ଭାବରେ କାର୍ଯ୍ୟ କରିବାକୁ ଆସିଥିଲେ । ତେବେ କାମ ସାରି ସନ୍ଧ୍ୟା ପ୍ରାୟ ୭ଟା ବେଳକୁ ସେ ବନ୍ତଳାରୁ ନିଜ ଗ୍ରାମକୁ ଚାଲିଚାଲି ଫେରୁଥିଲେ।ଏତିକି ବେଳେ ପୋକତୁଙ୍ଗା ଗ୍ରାମରେ ରହୁଥିବା ଟିକରପଡା ଗ୍ରାମର ମାନସ ବେହେରା (୩୧)ଏକ ବାଇକ (ଓଡ଼ି-୦୨-ଏଆର-୯୮୯୨) ଯୋଗେ ତାଙ୍କ ୮ବର୍ଷର ପୁଅ ସୋମଦେବ ବେହେରା ଙ୍କୁ ନେଇ ବନ୍ତଳା ରୁ ପୋକତୁଙ୍ଗା ଗ୍ରାମକୁ ଫେରୁଥିଲେ । ମାତ୍ର ଅସାବଧାନତା ଯୋଗୁଁ ମାଣପୁର ଗ୍ରାମ ନିକଟରେ ବାଇକଟି ଶ୍ରମିକ କାହ୍ନାଙ୍କୁ ପଛ ପଟରୁ ଜୋରରେ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ କାହ୍ନାଙ୍କ ପ୍ରାଣବାୟୁ ଉଡିଯାଇଥିଲା। ସେଠାରେ ବାଇକ ଚାଳକ ଓ ତାଙ୍କ ୮ ବର୍ଷର ପୁଅ ଆହତ ହୋଇ ରାସ୍ତାରେ ପଡ଼ିଥିଲେ। ଘଟଣା ସମ୍ପର୍କରେ ଖବର ପାଇ ବନ୍ତଳା ପୁଲିସ ସେମାନଙ୍କୁ ଉଦ୍ଧାର କରି ବନ୍ତଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । ପୁଲିସ ଦୁର୍ଘଟଣା ଘଟାଇଥିବା ବାଇକକୁ ଜବତ କରିବା ସହ ଶବ ଜବତ କରି ବ୍ୟବଚ୍ଛେଦ ପାଇଁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ନେଇଥିବା ଜଣାପଡ଼ିଛି ।