ମନୋରମା ମହାପାତ୍ରଙ୍କ ସ୍ମୃତି ସଭା
ଖୋର୍ଦ୍ଧା: ଖୋର୍ଦ୍ଧାର ବରିଷ୍ଠ ନାଗରିକ ଓ ମାନ୍ୟଗଣ୍ୟ ବ୍ୟକ୍ତିଙ୍କ ପକ୍ଷରୁ ଆଜି ସ୍ୱର୍ଗତ ମନୋରମା ମହାପାତ୍ରଙ୍କ ଉଦେ୍ଦଶ୍ୟରେ ଏକ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଜାନକୀ ବଲ୍ଲଭ ପଟ୍ଟନାୟକ ସ୍ମୃତି ଉଦ୍ୟାନ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର ଯୋଗ ଦେଇଥିଲେ । ସେ କହିଥିଲେ ଯେ ମନୋରମା ମହାପାତ୍ରଙ୍କ ସହ ଖୋର୍ଦ୍ଧାର ନିବିଡ଼ ସମ୍ପର୍କ ଥିଲା । ସେ ପ୍ରାଣନାଥ ମହାବିଦ୍ୟାଳୟର ଛାତ୍ରୀ ଥିଲେ ଓ ପରବର୍ତୀ ସମୟରେ ଏଠାରେ ଅଧ୍ୟାପିକା ଭାବେ ଦାୟିତ୍ୱ ତୁଲାଇଥିଲେ । ତାଙ୍କ ସ୍ୱାମୀ ପଦାରବିନ୍ଦ ମହାପାତ୍ର ଖୋର୍ଦ୍ଧା ବନଖଣ୍ଡ ଅଧିକାରୀ ଭାବେ ବେଶ୍ କିଛି ବର୍ଷ କାମ କରିଥିଲେ । ନରେନ୍ଦ୍ର କୁମାର ପୃଷ୍ଟି କାର୍ଯ୍ୟକ୍ରମର ଅଧ୍ୟକ୍ଷତା କରିଥିବା ବେଳେ ସମାଜସେବୀ ସଂଜୟ ପଟ୍ଟନାୟକ ସ୍ୱାଗତ ଭାଷଣ ଦେଇଥିଲେ । ପ୍ଲାବନ ପଟ୍ଟନାୟକ ଧନ୍ୟବାଦ ଦେଇଥିଲେ ।
ଅନ୍ୟମାନଙ୍କ ମଧ୍ୟରେ ଗୋପାଳକୃଷ୍ଣ ଦାସ, ବିମଳ ଚନ୍ଦ୍ର ଷଡ଼ଙ୍ଗୀ, ଡ ବୃନ୍ଦାବନ ପଣ୍ଡା, ଚପଳା ପଣ୍ଡା, ଶିଶିର ପରିଡ଼ା, ରଣଜିତ ମହାପାତ୍ର, ବିସ୍ମୟ ସାମନ୍ତରାୟ, ପ୍ରଦୋଷ ହରିଚନ୍ଦନ, ପ୍ରଫୁଲ୍ଲ ଜେନା, ପ୍ରମୋଦ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ରାଜ୍ୟ ବନସେବା ଅଧିକାରୀ ପରୀକ୍ଷାରେ କୃତକାର୍ଯ୍ୟ ହୋଇଥିବା ଗୁରୁଜଙ୍ଗର ଶୁଭ୍ରା ସୁଚିସ୍ମିତା ମହାପାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା ।