+୨କଳା ପରୀକ୍ଷା ଫଳ: ମୟୂରଭଞ୍ଜରେ ବଢ଼ିଲା ପାସ୍ହାର, କଳାରେ ୭୨.୫୪ ପ୍ରତିଶତ ପାସ୍
ଧନ୍ଦାମୂଳକ ଶିକ୍ଷାରେ ୫୯.୬୫ ପ୍ରତିଶତ
ବାରିପଦା: ଆଜି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ପରିଚାଳିତ +୨ କଳା ଓ ଧନ୍ଦାମୂଳକ ପରୀକ୍ଷା ଫଳ ପ୍ରକାଶ ପାଇଛି। ମୟୂରଭଞ୍ଜରେ +୨ କଳା ଓ ଧନ୍ଦାମୂଳକ ଶିକ୍ଷାରେ ପାସ୍ ପ୍ରତିଶତବଢ଼ିଛି। ଜିଲ୍ଲାରୁ +୨ କଳାରେ ଚଳିତ ବର୍ଷ ୭୨.୫୪ ପ୍ରତିଶତ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି। +୨ କଳାରେ ପରୀକ୍ଷା ଦେଇଥିବା ୧୩ ହଜାର ୪୭୮ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୯, ୭୭୭ ଜଣ ଉତ୍ତୀର୍ଣ୍ଣ ହୋଇଛନ୍ତି। ଏମାନଙ୍କ ମଧ୍ୟରୁ ୧୫୧୮ଜଣ ପ୍ରଥମ ଶ୍ରେଣୀ ପାଇଥିବାବେଳେ ୧୭୯୦ଜଣ ୨ୟ ଶ୍ରେଣୀ ଏବଂ ୬୪୬୨ ଜଣ ତୃତୀୟ ଶ୍ରେଣୀରେ କୃତକାର୍ଯ୍ୟ ହୋଇଛନ୍ତି। ୭ ଜଣ ଛାତ୍ରଛାତ୍ରୀ କମ୍ପାର୍ଟମେଣ୍ଟ୍ରେ ପାସ୍ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତବର୍ଷ ଏହି ବିଭାଗରେ ଜିଲ୍ଲାର ପାସ୍ହାର ୬୮.୩୯ ପ୍ରତିଶତ ଥିଲା। ସେହିପରି ଧନ୍ଦାମୂଳକ ଶିକ୍ଷାରେ ଜିଲ୍ଲାର ପାସ୍ହାର ୫୯.୬୫ ପ୍ରତିଶତ ରହିଛି। ଜିଲ୍ଲାରୁ ୬୯୪ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୪୧୪ ଜଣ କୃତକାର୍ଯ୍ୟ ହୋଇଛନ୍ତି । ଏମାନଙ୍କ ମଧ୍ୟରୁ ପ୍ରଥମ ଶ୍ରେଣୀରେ ୬୭ ଜଣ, ଦ୍ୱିତୀୟ ଶ୍ରେଣୀରେ ୧୮୭ ଜଣ ଏବଂ ୧୩୭ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ଉତ୍ତର ଓଡ଼ିଶା ଜୋନରେ ପତ୍ର ବିନିମୟ ପାଠ୍ୟକ୍ରମ ମାଧ୍ୟମରେ ୭ ହଜାର ୨୬୧ ପରୀକ୍ଷାର୍ଥୀମାନଙ୍କ ମଧ୍ୟରୁ ୫୫.୧୫ ପ୍ରତିଶତ ହାରରେ ମୋଟ ୪ ହଜାର ୫ ଜଣ ପାସ୍ କରିଛନ୍ତି। ଏମାନଙ୍କ ମଧ୍ୟରୁ ପ୍ରଥମ ଶ୍ରେଣୀରେ ୧୨୫ ଜଣ, ଦ୍ୱିତୀୟ ଶ୍ରେଣୀରେ ୩୫୨ ଜଣ ଏବଂ ତୃତୀୟ ଶ୍ରେଣୀରେ ୩,୫୧୪ ଜଣ କୃତକାର୍ଯ୍ୟ ହୋଇଛନ୍ତି। କମ୍ପାଟମେଣ୍ଟ୍ରେ ୧୪ ଜଣ ପାସ୍ କରିଥିବା ବେଳେ ୨୪ ଜଣ କପି କରି ଧରାପଡ଼ିଛନ୍ତି ।
ଗତବର୍ଷ ଧନ୍ଦାମୂଳକ ଶିକ୍ଷାରେ ପାସ୍ହାର ୪୭.୬୬ ପ୍ରତିଶତ ହୋଇଥିବା ସିଏଚଏସଇ ଉତ୍ତର ଓଡ଼ିଶା ଜୋନ୍ ଉପସଚିବ ଜୟଦେବ ପ୍ରମାଣିକ ପ୍ରକାଶ କରିଛନ୍ତି । ମୟୂରଭଞ୍ଜ, ଭଦ୍ରକ, ବାଲେଶ୍ବର ଏବଂ କେନ୍ଦୁଝର ଜିଲ୍ଲାକୁ ନେଇ ଗଠିତ ଉତ୍ତର ଓଡ଼ିଶା ଜୋନ୍ରେ ଚଳିତ ବର୍ଷ +୨ କଳାରେ ପାସହାର ୭୦.୬୨ ପ୍ରତିଶତ ହୋଇଛି। ଚଳିତ ବର୍ଷ ଏହି ଜୋନ୍ରେ ଛାତ୍ରମାନଙ୍କ ତୁଳନାରେ ଛାତ୍ରୀମାନେ ଭଲ ଫଳ କରିଥିବା ଜଣାପଡ଼ିଛି।