ଫୁଲବାଣୀ/ବାରିପଦା: ପୂର୍ବ ଲଦାଖ ଅନ୍ତର୍ଗତ ଗଲ୍ୱାନ୍ ଉପତ୍ୟକା ଅଞ୍ଚଳରେ ଭାରତୀୟ ଏବଂ ଚୀନ୍ ସୈନିକମାନଙ୍କ ମଧ୍ୟରେ ତୁମୁଳ ସଂଘର୍ଷ ଯୋଗୁଁ ସହିଦ ହୋଇଥିବା ୨୦ ଜଣ ଭାରତୀୟ ସୈନିକଙ୍କ ମଧ୍ୟରେ ୨ ଜଣ ଓଡ଼ିଆ ପୁଅ ଥିବାର ଜଣାପଡିଛି | ପ୍ରଥମ ଯବାନଙ୍କ ନାମ ଚନ୍ଦ୍ରକାନ୍ତ ପ୍ରଧାନ ହୋଇଥିବାବେଳେ ତାଙ୍କ ଘର କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ବିୟରପାଙ୍ଗା ବୋଲି ଜଣାପଡିଛି | ଚନ୍ଦ୍ରକାନ୍ତ ସହିଦ ହୋଇଥିବା ଜଣାପଡ଼ିବା ପରେ ତାଙ୍କ ପରିବାରରେ ଏବେ ଶୋକର ଲହରୀ ଖେଳିଯାଇଛି |
Sambad is now on WhatsApp
Join and get latest news updates delivered to you via WhatsApp
ଆଉ ଜଣେ ଯବାନଙ୍କ ନାମ ନନ୍ଦୁରାମ ସୋରେନ ହୋଇଥିବାବେଳେ ତାଙ୍କ ଘର ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପଖଣ୍ଡ ବିଜାତଲା ବ୍ଲକରେ ବୋଲି ଜଣାପଡିଛି | ନନ୍ଦୁରାମ ସୁବେଦାର ଥିବାବେଳେ ତାଙ୍କ ପରିବାର ଓ ଗ୍ରାମବାସୀ ମଧ୍ୟ ଦୁଃଖରେ ଭାଙ୍ଗିପଡିଛନ୍ତି |
ଏଠାରେ ସୂଚନା ଥାଉ କି ସୋମବାର ରାତିରେ ପୂର୍ବ ଲଦାଖରେ ଭାରତୀୟ ସୀମାରେ ପଶି ଚୀନ ସେନା ଆକ୍ରମଣ କରିବାରୁ ଜଣେ କର୍ଣ୍ଣେଲଙ୍କ ସମେତ ୨୦ ଜଣ ଯବାନ ସହିଦ ହୋଇଥିଲେ । ଭାରତୀୟ ସେନା ଏହାର ପାଲଟା ଜବାବ ମଧ୍ୟ ଦେଇଛନ୍ତି। ଭାରତ ପକ୍ଷରୁ କୁହାଯାଇଛି ଯେ ଚୀନର ୪୩ ଜଣ ସୈନିକ ପ୍ରାଣ ହରାଇଛନ୍ତି।