ଠାକୁରମୁଣ୍ଡା-ଆନନ୍ଦପୁର ରାସ୍ତାରେ ଗଛକୁ ପିଟିଲା ଭ୍ୟାନ୍: ୩ ଶ୍ରମିକ ଗୁରୁତର, ୨୦ ଆହତ

ଠାକୁରମୁଣ୍ଡା: ଠାକୁରମୁଣ୍ଡା-ଆନନ୍ଦପୁର ରାସ୍ତା ଯୋଡାଆମ୍ବ ଘାଟି ନିକଟରେ ଭାରସାମ୍ୟ ହରାଇ ଗଛକୁ ପିଟିଲା ଶ୍ରମିକ ବୋଝେଇ ଭ୍ୟାନ୍। ୩ ଗୁରୁତର। ଦୁଇ ଗୁରୁତରଙ୍କୁ ଘଷିପୁରା ମେଡିକାଲକୁ ସ୍ଥାନାନ୍ତର କରାଯାଇଥିବା ବେଳେ ଜଣଙ୍କୁ କରଞ୍ଜିଆ ଡାକ୍ତରଖାନାରେ ଭର୍ତ୍ତି କରାଯାଇଛି।

ସୂଚନା ଅନୁଯାୟୀ, ଠାକୁରମୁଣ୍ଡା ଥାନା ଅନ୍ତର୍ଗତ ଠାକୁରମୁଣ୍ଡା ଆନନ୍ଦପୁର ୫୩ ନଂ ରାଜ୍ୟ ରାଜପଥରେ ସକାଳେ ଦୁର୍ଘଟଣା ଘଟି ୨୦ ଆହତ ଓ ୩ ଜଣ ଗୁରୁତର ହୋଇଛନ୍ତି।ଚମ୍ପାଝର ଗ୍ରାମପଞ୍ଚାୟତର କିରିକିଚିପାଳ ଓ ଜଡିପଦା ଗ୍ରାମର ଶ୍ରମିକମାନଙ୍କୁ ନେଇ ଯାଉଥିବା ଟାଟା ମ୍ୟାଜିକ(ଓଡି୧ଏନ୍ ୩୮୮୯) ଠାକୁରମୁଣ୍ଡା ବଜାର ଠାରୁ ୪ କିଲୋମିଟର ଦୂର ଯୋଡାଆମ୍ବ ଘାଟି ତଳକୁ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୩ ଗୁରୁତର ହୋଇଥିବା ବେଳେ ୨୦ ଜଣ ଆହତ ହୋଇଥିଲେ।। ଦୁଇ ଗୁରୁତର ଶାନ୍ତିଲତା ନାଏକ(୬୦) ଓ ଉତ୍ତମ ଦାସ(୨୨୦ଙ୍କୁ ଘଷିପୁରା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ମ‌ାଳତୀ ନାଏକଙ୍କୁ କରଞ୍ଜିଆ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନ୍ୟ ଆହତମାନେ ଠାକୁରମୁଣ୍ଡା ଡାକ୍ତରଖାନାରେ  ଚିକିତ୍ସିତ ହେଉଛନ୍ତି।