ପରକୀୟା ପ୍ରୀତି ସନ୍ଦେହରେ ସଇତାନ ସାଜିଲା ସ୍ବାମୀ; ଟାଙ୍ଗିଆରେ ହାଣି ସ୍ତ୍ରୀକୁ ହତ୍ୟା
ରାଇରଙ୍ଗପୁର: ପରକୀୟା ପ୍ରୀତି ଉଜାଡି ଦେଲା ସଂସାର । ପରକୀୟା ପ୍ରୀତି ସନ୍ଦେହରେ ସ୍ତ୍ରୀକୁ ହାଣିଲା ସ୍ବାମୀ । ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଡୋଲାଜୋଡି ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ, ଡୋଲାଜୋଡି ଗ୍ରାମର ବୁଢାନ ବାସ୍କେ ଓ ତାଙ୍କ ସ୍ତ୍ରୀ ଦେଓଲା ବାସ୍କେ(୪୨)ଙ୍କ ମଧ୍ୟରେ ଗତକାଲି ରାତିରେ ବଚସା ହୋଇଥିଲା । ସ୍ତ୍ରୀ ଦେଓଲା ବାସ୍କେ ଅନ୍ୟ କାହା ସହିତ ଫୋନରେ କଥା ହେଉଥିବା ନେଇ ଉଭୟଙ୍କ ମଧ୍ୟରେ ଝଗଡା ଲାଗିଥିଲା । ଏଥିରେ ଉତ୍କ୍ଷିପ୍ତ ହୋଇ ସ୍ବାମୀ ଏକ କୁରାଢୀରେ ସ୍ତ୍ରୀକୁ ହାଣି ଦେଇଥିଲା । ତେବେ ଘଟଣାସ୍ଥଳରେ ହିଁ ଦେଓଲା ପ୍ରାଣ ହରାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଖବର ପାଇ ତିରିଂ ଥାନାଅଧିକାରୀ ପ୍ରଫୁଲ୍ଲ ବାରିକ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରିବା ସହିତ ସ୍ବାମୀ ବୁଢାନକୁ ଥାନାରେ ଅଟକ ରଖିଛନ୍ତି । ତେବେ ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମ୍ ଆସି ତଦନ୍ତ କରୁଥିବା ସୂଚନା ମିଳିଛି । ଏନେଇ ତିରିଂ ଥାନାରେ କେସ ନଂ ୭୮/୨୨ ରେ ଏକ ମାମଲା ରୁଜ୍ଜୁ ହୋଇଛି ।