କେନ୍ଦ୍ରୀୟ କାର୍ଯ୍ୟକାରିଣୀ ବୈଠକରେ ନିଷ୍ପତ୍ତି : ୩୦ ବିଧାନସଭା ଆସରେ ପ୍ରାର୍ଥୀ ଦେବ ଜେଏମ୍ଏମ୍
ମୟୂରଭଞ୍ଜ ଲୋକସଭା ଆସନରେ ବି ଲଢ଼ିବ
ବାରିପଦା : ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ଝାଡ଼ଖଣ୍ତ ମୁକ୍ତି ମୋର୍ଚ୍ଚା(ଜେଏମ୍ଏମ୍) ତା’ର ରଣନୀତି ପ୍ରସ୍ତୁତ କରିଛି। ରାଜ୍ୟରେ ଅତି କମ୍ରେ ୩୦ ବିଧାନସଭା ଏବ˚ ଗୋଟିଏ ଲୋକସଭା ଆସନରେ ଦଳୀୟ ପ୍ରାର୍ଥୀ ଦେବାକୁ ଦଳ ନିଷ୍ପତ୍ତି ନେଇଛି। ଝାଡ଼ଖଣ୍ତର ରାଜଧାନୀ ରାଞ୍ଚିସ୍ଥିତ ବିଧାନସଭା ସମ୍ମିଳନୀ କକ୍ଷରେ ଦଳର କେନ୍ଦ୍ରୀୟ କାର୍ଯ୍ୟକାରିଣୀ ବୈଠକରେ ଏ ନେଇ ବ୍ୟାପକ ବିଚାର ବିମର୍ଶ ପରେ ଏହି ନିଷ୍ପତ୍ତି ନିଆଯାଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ବାଲେଶ୍ବର, ଯାଜପୁର ଏବ˚ ଫୁଲବାଣୀ ଭଳି ୭ଟି ଜିଲ୍ଲାରେ ଦଳ ପ୍ରାର୍ଥୀ ଦେବ ବୋଲି କେନ୍ଦ୍ରୀୟ କମିଟି ସଦସ୍ୟ ତଥା ପୂର୍ବତନ ବିଧାୟକ ଅଜେନ ମୁର୍ମୁ ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ କରିଛନ୍ତି। ମୟୂରଭଞ୍ଜ ଜିଲ୍ଲାରେ ଦଳୀୟ ପ୍ରାର୍ଥୀ ଏକମାତ୍ର ଲୋକସଭା ଆସନ ସାଙ୍ଗକୁ କେବଳ ୭ ବିଧାନସଭା ଆସନରେ ପ୍ରତିଦ୍ବନ୍ଦ୍ବିତା କରିବା ନେଇ ସୂଚନା ମିଳିଛି। ନିକଟରେ ମୟୂରଭଞ୍ଜର ପୂର୍ବତନ ସା˚ସଦ ଲକ୍ଷ୍ମଣ ଟୁଡୁ ବିଜେଡି ଛାଡ଼ି ଜେଏମ୍ଏମ୍ରେ ଯୋଗଦେଇଛନ୍ତି। ଆଗକୁ ବିଭିନ୍ନ ଦଳରୁ ଆହୁରି ଅନେକ ନେତା ଜେଏମ୍ଏମ୍ରେ ଯୋଗଦେବା ନେଇ ଶ୍ରୀ ମୁର୍ମୁ ସୂଚନା ଦେଇଛନ୍ତି।