୫ଟି ପଞ୍ଚାୟତରେ ୧୧ଟି ପ୍ରକଳ୍ପର ଉଦଘାଟନ କଲେ ଜୟପୁର ବିଧାୟକ

ଜୟପୁର: ଜୟପୁର ବିଧାୟକ ତାରାପ୍ରସାଦ ବାହିନୀପତି ଗତ କାଲି ଜୟପୁର ବ୍ଲକର ୫ଟି ପଞ୍ଚାୟତରେ ୧୧ଟି ପ୍ରକଳ୍ପର ‌ଉଦଘାଟନ କରିଥିଲେ। ବାଲି ପଞ୍ଚାୟତର ବଡ଼ଉଝେଇ ସାଇବେର କେନ୍ଦ୍ର, ସୋଲାର ଜଳଯୋଗାଣ ପ୍ରକଳ୍ପ, ଗୋଷ୍ଠୀ କେନ୍ଦ୍ର ଉଦଘାଟନ କରିଥିଲେ। ସେଭଳି ଆମ୍ବାଗୁଡା ପଞ୍ଚାୟତରେ କଲ୍ୟାଣ ମଣ୍ଡପ, ରଣ୍ଡପାଲ୍ଲୀ ପଞ୍ଚାୟତରେ ବୈରାଗୀମଠରେ ହେଲଥ ଓ ୱେଲଥ୍ ସେଣ୍ଟର, କେବିଡି ପଞ୍ଚାୟତର ଦୋରାଗୁଡା ହାଇସ୍କୁଲ ଶ୍ରେଣୀଗୃହ, ରାଣୀଗଡ ପଂଚାୟତର ବାଲିପୁଜାରୀଗୁଡାରେ ମାର୍କେଟକଂମ୍ପ୍ଲେକ୍ସ, ପଞ୍ଚାୟତ କାର୍ଯ୍ୟାଳୟରେ ମହତ୍ମାଗାନ୍ଦୀଙ୍କ ପ୍ରତିମୂର୍ତ୍ତି, ବୋରିପୁଟ ବିଦ୍ୟାଳୟର ଅତିରିକ୍ତ ଶ୍ରେଣୀଗୃହର ‌ଲୋକାର୍ପଣ କରିଥିଲେ।

ଏଥିରେ ବିଡିଓ ରାଜୀବ ଦାସ, ଏବିଡିଓ ମନୋଜ କୁମାର ନାୟକ, ସହକାରୀ ନିର୍ବାହୀ ଯନ୍ତ୍ରୀ ବିଶ୍ବନାଥ ପାତ୍ରଙ୍କ ସମେତ ସଂପୃକ୍ତ ପଞ୍ଚାୟତର ସରପଂଚ, ପିଇଓ, ଜିଆରଏସ୍ ଆଦି ଯୋଗ ଦେଇଥିଲେ।