ବାରିପଦାରେ ଲକ୍ଷାଧିକ ଟଙ୍କାର ସୁନାଗହଣା ଚୋରି, ଥାନାରେ ମାମଲା

ବାରିପଦା: ଟାଉନ୍ ଥାନା ଅନ୍ତର୍ଗତ ୱାର୍ଡ ନଂ-୩, ୱାଲିଗଞ୍ଜର ଅଚ୍ୟୁତାନନ୍ଦ ମିସ୍ତ୍ରୀଙ୍କ ଘରୁ ପ୍ରାୟ ଲକ୍ଷାଧିକ ଟଙ୍କାର ସୁନାଗହଣା ଚୋରି ହୋଇଥିବା ଅଭିଯୋଗ ହୋଇଛି। ଘଟଣାସ୍ଥଳରେ ଟାଉନ୍ ଥାନାର ବରିଷ୍ଠ ଏସ୍ଆଇ ଅଜୟ ବାଗେ ପହଞ୍ଚି ତଦନ୍ତ କରିଛନ୍ତି। ଏହି ଘଟଣାରେ ତାଙ୍କ ଘରେ କାମ କରୁଥିବା ଜଣେ ମହିଳାଙ୍କ ଉପରେ ସନ୍ଦେହ କରି ଶ୍ରୀ ମିସ୍ତ୍ରୀ ଥାନାରେ ଅଭିଯୋଗ କରିଛନ୍ତି। ସନ୍ଧ୍ୟା ପ୍ରାୟ ୫ଟା ସମୟରେ ସମସ୍ତେ ତଳ ମହଲାରେ ଥିଲେ। ମାତ୍ର ଉପରମହଲାର ଯେଉଁ କୋଠରୀରୁ ଚୋରି ହୋଇଛି ଉକ୍ତ ରୁମ୍କୁ ଘରେ କାମ କରୁଥିବା ମହିଳାଜଣଙ୍କ ହିଁ ଯାଇଥିବା ଥାନାରେ ଅଭିଯୋଗ ହୋଇଛି। ଏହି ଘଟଣାକୁ ନେଇ ଥାନାରେ ଏକ ମାମଲା ରୁଜୁ ହେବା ସହିତ ଅଧିକ ତଦନ୍ତ ଜାରି ରହିଥିବା ଟାଉନ୍ ଥାନା ଆଇଆଇସି ବୀରେନ୍ଦ୍ର ସେନାପତି ସୂଚନା ଦେଇଛନ୍ତି।

ସମ୍ବନ୍ଧିତ ଖବର

Comments are closed.