ମାଲକାନଗିରି: ମାଲକାନଗିରିରେ ଗତକାଲି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଥିବା ରିକ୍ଲାମେସନ କଲୋନୀର ପାର୍ବତୀ ପାଣିଗ୍ରାହୀ ଓ ତାର ୧୨ ବର୍ଷର ପୁଅ ସାଗର ଆହତ ହେବା ଖବର ପ୍ରସାରଣ ହେବା ସାଙ୍ଗେ ସାଙ୍ଗେ ଆଇନସେବା ପ୍ରାଧିକରଣର ସଚିବ ରାକେଶ କୁମାର ମୁଦୁଲି ପ୍ରାଧିକରଣର ମୁଖ୍ୟ ପ୍ରତିପକ୍ଷ ଅଧିବକ୍ତା ତଥା ପୂର୍ବତନ ଶିଶୁ କଲ୍ୟାଣ କମିଟିର ଅଧକ୍ଷ ଅଶୋକ କୁମାର ପଟ୍ଟନାୟକଙ୍କୁ ଘଟଣାସ୍ଥଳକୁ ପଠାଇଥିଲେ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଅଶୋକ ପଟ୍ଟନାୟକ ଘଟଣାସ୍ଥଳକୁ ଯାଇ ସ୍ଥିତି ସମ୍ପର୍କରେ ଅନୁଧ୍ୟାନ କରିବା ସହ ଚାଇଲ୍ଡ ଲାଇନର ଅଧିକାରୀଙ୍କ ସହ ଯୋଗ କରି ଶିଶୁଙ୍କ ପୁନାର୍ବାସନ୍ନ ସହ ୩ ଜଣ ଶିଶୁଙ୍କୁ ବାତ୍ସଲ୍ୟ ଯୋଜନାରେ ଅନ୍ତର୍ଭୁକ୍ତ କରି ଆର୍ଥିକ ସାହାଯ୍ୟ ପାଇଁ ଶିଶୁ କଲ୍ୟାଣ କମିଟି ନିକଟରେ ହାଜର କରିବା ପାଇଁ ପରାମର୍ଶ ଦେଇଥିଲେ।ସେହିପରି ଅନ୍ୟାନ୍ୟ କ୍ଷତିପୁରଣ ଓ ସରକାରୀ ସୁବିଧା ପାଇଁ ସଂପୃକ୍ତ ଅଧିକାରୀଙ୍କ ସହ ଯୋଗାଯୋଗ କରି ଆଇନସେବା ପ୍ରାଧିକରଣକୁ ଏକ ରିପୋର୍ଟ ପ୍ରଦାନ କରିଥିଲେ। ଉକ୍ତ ରିପୋର୍ଟ ଆଧାରରେ ପ୍ରାଧିକରଣ ଶିଶୁମାନଙ୍କ ଯତ୍ନ,ସୁରକ୍ଷା ତଥା ଆର୍ଥିକ ସାହାଯ୍ୟ ପାଇଁ ଜିଲ୍ଲାପାଳଙ୍କୁ ଅବଗତ କରାଇ ଅନ୍ୟାନ୍ୟ ସଂପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ପ୍ରଦାନ କରିଛନ୍ତି।