ଶାଶୁଙ୍କ ଜୁଇ ଲିଭି ନଥିଲା, ଜଳିଲା ବୋହୁର ଚିତା
ବାଲିପାଟଣା: ଗାଁ ଶ୍ମଶାନରେ ଶାଶୁଙ୍କ ଜୁଇ ଲିଭି ନ ଥିଲା ଜଳିଲା ବୋହୁର ଚିତା । ଭୁବନେଶ୍ୱର ଉପକଣ୍ଠ ବାଲିପାଟଣା ବ୍ଲକର ଭାପୁର ପଞ୍ଚାୟତ ଦିୱାନପାଟଣା ମୁଦୁଲି ସାହି ଗ୍ରାମର ସ୍ବର୍ଗତ ଭ୍ରମରଵର ମୁଦୁଲିଙ୍କ ପତ୍ନୀ ନେତ୍ରମଣି ମୁଦୁଲି (୯୦) ଏବଂ ତାଙ୍କ ବୋହୁ ଉର୍ବଶୀ ମିଦୁଲି (୬୦) । ଶାଶୁ-ବୋହୁଙ୍କ ସ୍ୱାଭାବିକ ମୃତ୍ୟୁ ହୋଇଥିବା ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ବନମାଳୀପୁର ଭାପୁର ପଞ୍ଚାୟତ ଦିୱାନପାଟଣା ମୁଦୁଲି ସାହିଗ୍ରାମର ନେତ୍ରମଣି ମୁଦୁଲି ବାର୍ଦ୍ଧକ୍ୟ ଜନିତ ଅବସ୍ଥାରେ ଘରେ ଅପରାହ୍ନ ୧୨ ଟାରେ ମୃତ୍ୟୁ ବରଣ କରିଛନ୍ତି । ଶାଶୁଙ୍କ କୋକେଇ ପଛେରେ ବୋହୁ ଉର୍ବଶୀ ଗାଁ ଦାଣ୍ଡରେ ଗୋବର ପାଣି ଛିଞ୍ଚିବାକୁ ଯାଇଥିଲେ । ଶବଦାହ କିଛି ସମୟ ପରେ ସେ ଅସୁସ୍ଥ ହୋଇପଡିଥିଲେ । ଗୁରତର ଅବସ୍ଥାରେ ପରିବାର ଲୋକେ ତାଙ୍କୁ ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ମାତ୍ର ଅପରାହ୍ନ ଅଢେଇଟାରେ ମେଡିକାଲ ଆସିବା ରାସ୍ତାରେ ଉର୍ବଶୀ ଆଖିବୁଜି ଦେଇଥିଲେ । ହୃଦଘାରେ ତାଙ୍କ ମୃତ୍ୟୁ ହୋଇଥିବା ପରିବାର ସୂତ୍ରରୁ ସୂଚନା ମିଳିଛି । ଶାଶୁଙ୍କ ଜୁଇ ଲିଭି ନ ଥିବା ବେଳେ ସେଇ ମଶାଣିରେ ଉର୍ବଶୀଙ୍କ ଚିତା ଜଳିଥିଲା ।