ରାଉରକେଲା: ଜାତୀୟ ରାଜପଥ ବେଦବ୍ୟାସ ଆମର ପ୍ୟାଲେସ ନିକଟରେ ମୋଟରବାଇକକୁ ହାଇଡ୍ରା ଧକ୍କା ଦେଇଛି। ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି l ମୃତକ ଜଣକ ହେଲେ ସେକ୍ଟର – ୨୧ ନୟାବଜାର ଭବାନୀପୁର ଓରାମ ବସ୍ତିର ସୁଜିତ ଓରାମ (୨୨)l
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଆଜି ପୂର୍ବାହ୍ନରେ ସୁଜିତ ତାର ଜଣେ ସାଙ୍ଗ ସହ ବେଦବ୍ୟାସର ଲୁଙ୍ଗେଇ ବସ୍ତିକୁ ଯାଉଥିଲେ l ଏହି ସମୟରେ ୧୪୩ ନଂ ଜାତୀୟ ରାଜପଥର ବେଦବ୍ୟାସ ଅମରପ୍ୟାଲେସ ନିକଟରେ ପଛରୁ ଆସୁଥିବା ହାଇଡ୍ରା ଧକ୍କା ଦେଇଥିଲା l ଦୁହେଁ ଗୁରୁତର ହୋଇ ତଳେ ପଡି ଯାଇଥିଲେ l ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରିଥିଲେ। ବାଟରେ ସୁଜିତଙ୍କର ମୃତ୍ୟୁ ହୋଇଯାଇଥିଲା l ଖବର ପାଇ ବ୍ରାହ୍ମଣୀତରଙ୍ଗ ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି l ଦୁର୍ଘଟଣାଗ୍ରସ୍ତ ହାଇଡ୍ରା, ମୋଟରବାଇକକୁ ଜବତ କରି ତଦନ୍ତ ଚଳାଇଛି ପୁଲିସl