ରାସ୍ତା ମଝିରୁ ଟ୍ରାନସଫରର୍ମର ହଟାଉ ନଥିବାରୁ ଟାଟାପାୱାରକୁ ପୌରପାଳିକାର ନୋଟିସ୍
ଜୟପୁର: ଜୟପୁର ପୌରପାଳିକାର ପ୍ରସାଦରାଓ ପେଟା ଅଂଚଳର ଆଦର୍ଶନଗର ରାସ୍ତା ମଝିରେ ରହିଛି ଟାଟାପାଓ୍ବାରର ଟ୍ରାନସଫରର୍ମର। ଏହାକୁ ହଟାଇବା ପାଇଁ ଜନସାଧାରଣଙ୍କ ସହ ବିଭିନ୍ନ ଅନୁଷ୍ଠାନ ପକ୍ଷରୁ ପୌରପାଳିକା ନିକଟରେ ଅଭିଯୋଗ ହୋଇଥିଲା। ପୌରପାଳିକା ପକ୍ଷରୁ ପୂର୍ବରୁ ଏ ନେଇ ଟାଟାପାୱରକୁ ବି ଏହି ଟ୍ରାନସଫରର୍ମରକୁ ରାସ୍ତା ମଝିରୁ ଉଠାଇ ନେବା ପାଇଁ ସାଧାରଣ ଚିଠି କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ତେବେ ଟାଟାପାୱାର ଚିଠିକୁ ନେଇ କିଛି ପଦକ୍ଷେପ ନ ନେବାରୁ ଆଜି ଜୟପୁର ପୌରପାଳିକା ପକ୍ଷରୁ ଟାଟାପାୱାରକୁ ପୌରପାଳିକା ପକ୍ଷରୁ ପୌରପାଳିକାର ଆଇନ୍ ଦଫା ୨୫୨,୨୫୪,୨୫୮,୨୭୫ ଏବଂ ୩୪୫ରେ ନୋଟିସ୍ ଦିଆଯାଇଛି ବୋଲି କହିଛନ୍ତି ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକ। ଟାଟାପାୱାର ଏହି ନୋଟିସ ପରେ ବି ପଦକ୍ଷେପ ନ ନେଲେ ଉଛେଦ ପାଇଁ ନୋଟିସ ଦିଆଯାଇ ପୌରପାଳିକାର ଲାଇନ୍ ମ୍ୟାନଙ୍କୁ ନେଇ ରାସ୍ତା ମଝିରୁ ଏହାକୁ ହଟାଯିବ ବୋଲି କହିଛନ୍ତି ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ।