ବାଂଶପାଣିରେ ଯୁବକଙ୍କୁ ହତ୍ୟା, ମୃତଦେହ ଉଦ୍ଧାର
ଯୋଡ଼ା: କେନ୍ଦୁଝର ଜିଲ୍ଲା ଯୋଡାସ୍ଥିତ ବାଂଶପାଣି ଠାରେ ଜଣେ ଯୁବକଙ୍କୁ ହତ୍ୟା କରାଯିବା ଘଟଣା ଅଂଚଳରେ ଚଞ୍ଚଲ୍ୟ ସୃଷ୍ଟି କରିଛି । ପୁଲିସ ଯୁବଙ୍କ ମୃତଦେହକୁ ଜବତ କରିଛି । ମୃତ ଯୁବଙ୍କ ନାମ ବିଶାଳ ହୁଂଜର(୨୫) । ତାଙ୍କ ଘର ଝାରଖଣ୍ଡ ରାଜ୍ୟର ଉକୁମ।ଟକାମ ଗ୍ରାମରେ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ବିଶାଳ ଗତ ଏକ ମାସ ହେବ କାମ କରିବା ପାଇଁ ଆସି ବାଂଶପାଣି ଠାରେ ତାଙ୍କର ଜଣେ ସମ୍ପର୍କୀୟଙ୍କ ଘରେ ରହୁଥିଲେ । ଗତକାଲି ରାତ୍ରି ୧୦ ଘଟିକା ସମୟରେ ସେ ଘରୁ ପଦାକୁ ଶୌଚ କରିବା ପାଇଁ ଆସି ଫେରିନଥିଲେ । ଆଜି ସକାଳେ ଯୋଡ଼ା- ବମେଵାରୀ ଏକ୍ସପ୍ରେସ ରାସ୍ତା ବାଂଶପାଣି ରାସ୍ତାକଡରେ ତାଙ୍କର ମୃତଦେହ ପଡ଼ିଥିବା ଦେଖିବାକୁ ମିଳିଥିଲା । ପୁଲିସ ଖବର ପାଇ ମୃତଦେହକୁ ଜବତ କରି ଏକ ହତ୍ୟା ମାମଲା ରୁଜୁ କରିଛି । ପୁଲିସ ଘଟଣାସ୍ଥଳରୁ ଦୁର୍ବୃତ୍ତ ହତ୍ୟାକାଣ୍ଡ ଘଟାଇଥିବା କଟୁରି ଜବତ କରିଛି । ହତ୍ୟାକାଣ୍ଡର ପ୍ରକୃତ କାରଣ ଜଣାପଡ଼ି ନାହିଁ।