ଯୁବକଙ୍କୁ ହତ୍ୟା ମାମଲାରେ ୬ ଗିରଫ

ଯୋଡ଼ା: ବାମେବାରି ଥାନା ସିଲଯୋଡ଼ା ଗ୍ରାମ କୁଦୁରସାହିରେ ମକୁରୁ ହେସା ନାମକ ଜଣେ ଯୁବକଙ୍କୁ ପିଟିପିଟି ହତ୍ୟା କରିବା ମାମଲାରେ ପୁଲିସ ୬ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ସିଲଯୋଡ଼ା ଗ୍ରାମର ସୁମିତ୍ରା ପିଙ୍ଗୁଆ, ବବୁଲ ପିଙ୍ଗୁଅ, ରାଜୁ ବାହାଦୁର, ମଜୁରା ସିଦୁ, ଧରଣୀଧର ଶ୍ରୀବାସ୍ତବ, ଝାଡ଼ଖଣ୍ଡ ହାଟଗମ୍ଭାରିଆ ଗ୍ରାମର ସୁରେଶ ଚାମ୍ପିଆ।

ବାମେବାରି ଥାନା ଭାରପ୍ରାପ୍ତ ଅଧିକାରୀ ସ୍ୱରୂପ ନାୟକଙ୍କ ସୂଚନା ଅନୁଯାୟୀ, ସିଲଯୋଡ଼ା ଓ ନିକଟବର୍ତ୍ତୀ ଗଣୁଆ ଗ୍ରାମରେ ଖଣିଜ ଚୋରି ସହ ଟ୍ରକ୍‌ରୁ ବ୍ୟାଟେରି, ଟାୟାର ଚୋରି ହେଉଥିଲା। ଏ ସମ୍ପର୍କରେ ମକୁରୁ ପୁଲିସକୁ ସୂଚନା ଦେଉଥିବା ସନ୍ଦେହ କରି ୧୯ ତାରିଖ ବିଳମ୍ବିତ ରାତିରେ ଅଭିଯୁକ୍ତମାନେ ତାଙ୍କୁ ଗ୍ରାମର କ୍ଲବ୍‌ଘରେ ବାନ୍ଧି ନିସ୍ତୁକ ପିଟିଥିଲେ। ଫଳରେ ତାଙ୍କର ମୃତ୍ୟୁ ଘଟିଥିଲା। ଏନେଇ ଏକ ହତ୍ୟା ମାମଲା ରୁଜୁ ‌କରାଯାଇ ଅଭିଯୁକ୍ତଙ୍କୁ ଗିରଫ କରାଯାଇଛି।