ଯୁବକଙ୍କୁ ପିଟିପିଟି ହତ୍ୟା, ବାପ-ପୁଅ ଗିରଫ

ବଲାଙ୍ଗୀର: ସଦର ଥାନା ପଣ୍ଡରାପିଟା ଗାଁରେ ଭାସ୍କର ତାଣ୍ଡି (୩୪ବର୍ଷ) ନାମକ ଜଣେ ଯୁବକଙ୍କୁ ପିଟିପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି। ପରିବାର ବର୍ଗ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଭାସ୍କରଙ୍କୁ ଡାକ୍ତର ମୃତ ଘୋଷଣା କରିଥିଲେ।

ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ହତ୍ୟାକାଣ୍ଡ ସହ ସଂପୃକ୍ତ ସେହି ଗ୍ରାମର ମଗଶିର ପୋଢ଼ (୪୩) ଓ ତାଙ୍କ ପୁଅ ପ୍ରେମରାଜ ପୋଢ଼ (୨୩)ଙ୍କୁ ଗିରଫ କରି କୋର୍ଟଚାଲାଣ କରିଛି। ଭାସ୍କର ଦିନବେଳା ପ୍ରେମରାଜଙ୍କ ସହ ପୂର୍ବ ଘଟଣାକୁ ନେଇ ମାରପିଟ କରିଥିଲେ। ରାତିରେ ପୁଣି ଆସି ପ୍ରେମରାଜଙ୍କୁ ମାରପିଟ କରିବା ବେଳେ ଅଭିଯୁକ୍ତ ଦ୍ବୟ ଏକ ଠେଙ୍ଗାରେ ଭାସ୍କରଙ୍କୁ ଆକ୍ରମଣ କରିଥିଲେ।