ଝରିଗାଁ: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ ଚିତାବେଡା ପଞ୍ଚାୟତର ଜାମଧଡା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଆଜି ସକାଳୁ ଏକ ବିଷାକ୍ତ ସାପ କାମୁଡ଼ିବା ଫଳରେ ସାତ ବର୍ଷର ଶିଶୁକନ୍ୟାର ମୃତ୍ୟୁ ହୋଇଥିବା ଜଣାପଡ଼ିଛି।
ସୂଚନା ପ୍ରକାରେ ଜାମଧଡା ଗ୍ରାମର ଧନ ସାନ୍ତାଙ୍କ ଛୋଟ ଝିଅ ନିଳେନ୍ଦ୍ରୀ ସନ୍ତା (୭ବର୍ଷ) ଆଜି ସକାଳୁ ସକାଳୁ ଘର ଭିତରେ ଖେଳୁଥିଲେ। ଖେଳୁଥିବା ସମୟରେ ଏକ ବିଷାକ୍ତ ସାପ ନିଳେନ୍ଦ୍ରୀର ଡାହାଣ ହାତରେ କାମୁଡ଼ି ଦେଇଥିଲା। ବିଷାକ୍ତ ସାପ କାମୁଡ଼ିବା ପରେ ନିଳେନ୍ଦ୍ରୀ ଜୋରରେ କାନ୍ଦିବା ସହ ପରିବାର ଲୋକଙ୍କୁ ହାତରେ କେହି କାମୁଡ଼ି ଥିବା କହିଥିଲା। ପରିବାର ଲୋକେ ତୁରନ୍ତ ଏକ ବାଇକ ଯୋଗେ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଗୁରୁତର ଅବସ୍ଥାରେ ଭର୍ତ୍ତି କରିଥିଲେ। ତେବେ ଚିକିତ୍ସାଧୀନ ଅବସ୍ଥାରେ ନିଳେନ୍ଦ୍ରୀର ମୃତ୍ୟ ହୋଇଥିଲା। ଝରିଗାଁ ପୁଲିସ ଖବର ପାଇ ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଥିବାର ସୂଚନା ମିଳିଛି।
ପୂର୍ବବର୍ତ୍ତୀ ଖବର
ଭୟଙ୍କର ଆର୍ଥିକ ସଙ୍କଟ ଦେଇ ଗତି କରୁଥିବା ଶ୍ରୀଲଙ୍କାରେ ୪୨୦ ହେଲା ପେଟ୍ରୋଲ ଦର
ପରବର୍ତ୍ତୀ ଖବର
ସମ୍ବନ୍ଧିତ ଖବର