ଝରିଗାଁ : ଚିକିଲି ନଦୀ କଡ଼ରୁ ଯୁବକର ମୃତଦେହ ଉଦ୍ଧାର ,ହତ୍ୟା ସଂଦେହ
ଝରିଗାଁ : ନବରଙ୍ଗପୁର ଝରିଗାଁ ବ୍ଲକ ଅନ୍ତର୍ଗତ କଟରିଛାପର ପଂଚାୟତ କୁରୁଲୁଭଟା ଗ୍ରାମର ଜଣେ ୨୪ ବର୍ଷ ଯୁବକର ମୃତଦେହ ଗାଁ ନିକଟସ୍ଥ ଚିକିଲି ନଦୀ କଡ଼ରେ ପଡ଼ିଥିବା ଦେଖିବାକୁ ମିଳଛି । ଏ ସମ୍ପର୍କରେ ପରିବାର ପକ୍ଷରୁ ଝରିଗାଁ ଥାନାରେ ଲିଖିତ ଅଭିଯୋଗ କରାଯିବା ପରେ ପୁଲିସ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁଯାୟୀ କଟରିଛାପର ପଂଚାୟତ ଗ୍ରାମର ରାମ ସାନ୍ତାର ପୁଅ ନକୁଳ ସନ୍ତା (୨୪) ଗତ ୨୨ ତାରିଖ ରବିବାର ଦିନ ରାତ୍ରି ୮ ଟା ସମୟରେ ନିଜ ବାଇକ (ସିଜି୦୫ ଏସ ୯୯୮୨) ଯୋଗେ ଘରୁ ବାହାରିଥିଲା । ତେବେ ରାତ୍ରିରେ ଘରକୁ ନଫେରିବାରୁ ନକୁଳଙ୍କ ପତ୍ନୀ ଆଶା ସନ୍ତା ପରିବାରର ଅନ୍ୟମାନଙ୍କୁ ଜଣାଇଥିଲେ । ରାତିରେ ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ତାକୁ ପାଇନଥିଲେ । ତେବେ ଆଜି ଅପରାହ୍ନ ୩ଟା ସମୟରେ କଟିଦୋରା ଗ୍ରାମର ନାଭି ସନ୍ତା ନକୁଳ ଘରକୁ ଆସି ଚିକିଲି ନଦୀ କଡ଼ରେ ଏକ ପଥର ଉପରେ ନକୁଳର ମୃତ ଶରୀର ପଡିଛି ଓ ବାଇକ ସହ ମୋବାଇଲ ପଡିଥିବା ଜଣାଇଥିଲା। ଖବର ପାଇ ଗ୍ରାମର ୨୦ରୁ ଉର୍ଦ୍ଧ୍ବ ଲୋକ ଘଟଣା ସ୍ଥଳରେ ପହଞ୍ଚି ନକୁଳର ମୃତ ଶରୀରରେ କୌଣସି କ୍ଷତ ନଥିବା ସହ ବାଇକ ବି ସୁରକ୍ଷିତ ରହିଥିବା ଦେଖିବକୁ ପାଇଥିଲେ । ଏହାକୁ ନେଇ ପରିବାର ଲୋକଙ୍କ ମନରେ ସଂଦେହ ସୃଷ୍ଟି ହୋଇଛି ।
ପରିବାର ପକ୍ଷରୁ ମୁତକର ଦାଦା ବଳି ସନ୍ତା ଝରିଗାଁ ଥାନାରେ ଲିଖିତ ଅଭିଯୋଗ ଦେବା ପରେ ଥାନା ଅଧିକାରୀ ଉମେଶ କୁମାର ସାହୁ ଓ ଏସଆଇ ସନ୍ତୋଷ କୁମାର ମାଝୀ ପ୍ରମୁଖ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ଜଣାପଡିଛି ।