ଡାବୁଗାଁରେ ଅବକାରୀ ଚଢାଉ: ୪ ଗିରଫ, ୧୯ ଲିଟର ଦେଶୀ ମଦ ଜବତ
ଡାବୁଗାଁ: ନବରଙ୍ଗପୁର ଜିଲ୍ଲା ଡାବୁଗାଁ ଓ ଉମରକୋଟ ଅବକାରୀ ଥାନା ପକ୍ଷରୁ ଆଜି ବିଭିନ୍ନ ସ୍ଥାନରେ ମିଳିତ ଚଢାଉ କରାଯାଇ ୪ ଜଣଙ୍କୁ ଗିରଫ କରାଯାଇଛି। ସେମାନଙ୍କ ନିକଟରୁ ୧୯ ଲିଟର ଚୋରା ଦେଶୀ ମଦ ଜବତ କରାଯାଇଛି। ସେମାନେ ହେଲେ ଝରିଗୁଡ଼ା ଗ୍ରାମର ଗୋମତୀ ମାଝୀ ଓ ଗୋମତୀ ଭତରା, ମଙ୍ଗରାଚଚରା ଗ୍ରାମର ମୋତି ପୂଜାରୀ ଓ ନାଗ ଯୋଡ଼ି ଗ୍ରାମର ଶକୁନ୍ତଳା ପନକା। ଅଭିଯୁକ୍ତମାନଙ୍କ ବିରୋଧରେ ଅବକାରୀ ମାମଲା ରୁଜୁ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ନବରଙ୍ଗପୁର ଜିଲ୍ଲା ଅବକାରୀ ଅଧିକ୍ଷକ ପ୍ରଦୀପ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଆଜି ଉମରକୋଟ ଓ ଡାବୁଗାଁ ଅବକାରୀ ଥାନା କର୍ମଚାରୀ ମିଳିତ ଭାବେ ଡାବୁଗାଁ ଅବକାରୀ ଥାନା ଅଧୀନ ଝରିଗୁଡ଼ା, ମଙ୍ଗରାଚଚରା, ଧାମନାଗୁଡ଼ା, ମେଦନା ଓ ଡାବୁଗାଁ ଅଞ୍ଚଳରେ ଚଢ଼ାଉ କରିଥିଲେ। ଏଥିରେ ବେନିୟମ ଭାବେ ଚୋରା ଦେଶୀମଦ କାରବାର କରୁଥିବା ଝରିଗୁଡ଼ା, ମଙ୍ଗରାଚଚରା ଓ ନାଗ ଯୋଡ଼ି ଗ୍ରାମର ୪ ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୯ ଲିଟର ଦେଶୀ ମଦ ଜବତ କରିଥିଲେ।
ଏହି ମିଳିତ ଚଢ଼ାଉରେ ଉମରକୋଟ ଅବକାରୀ ଥାନା ନିରୀକ୍ଷକ ଜଗଦୀଶ ପ୍ରସାଦ ନାଥ, ଡାବୁଗାଁ ଅବକାରୀ ଥାନା ଉପ ନିରୀକ୍ଷକ ପ୍ରକାଶ କୁମାର ଦାସ, ଏ ଏସ୍ ଆଇ ସୁନାଧର କିର୍ଷାନି, କୁସ ଜାଲ, କର୍ମଚାରୀ ମାଖନ ହଳଧର, ସୁରେଖା ଭତରା, ନାରାୟଣ ମୁଦୁଲି, ସୁବାସ ଗୌଡ, ଓ ଦେବାଶିଷ ଦାସ ପ୍ରମୁଖ ସାମିଲ ଥିଲେ।