ତେନ୍ତୁଳିଖୁଣ୍ଟି : ଦୁଇଦିନ ପୂର୍ବରୁ ନିଖୋଜ ଥିବା ମହିଳାଙ୍କ ମୃତଦେହ ମକା କ୍ଷେତରୁ ଉଦ୍ଧାର
ତେନ୍ତୁଳିଖୁଣ୍ଟି : ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ସଦର ପଂଚାୟତ ଅନ୍ତର୍ଗତ କେନ୍ଦୁଗୁଡା ଗ୍ରାମର ସୁଧୀର କୁମ୍ଭାରଙ୍କ ପତ୍ନୀ ପୁର୍ଣ୍ଣିମା କୁମ୍ଭାର ୨୩ ଗତ ଦୁଇଦିନ ପୂର୍ବରୁ ନିଖୋଜ ଥିବାବେଳେ ଆଜି ସକାଳୁ ଏକ ମକା ବାଡରୁ ତାଙ୍କ ମୃତଦେହ ଉଦ୍ଧାର କରାଯାଇଛି । ମହିଳାଙ୍କ ବାପାଙ୍କୁ ତାଙ୍କ ଝିଅ ଦୌଡି ଲଗାଇ ଆତ୍ମହତ୍ୟା କରିଥିବା ନେଇ ଖବର ଜଣାଇବା ପରେ ବାପା ଗୌରାଙ୍ଗ କୁମ୍ଭାର ରାଇଘରରୁ ଆସି ତେନ୍ତୁଳିଖୁଣ୍ଟି ଥାନାରେ ଅଭିଯୋଗ କରିଛନ୍ତି । ତେନ୍ତୁଳିଖୁଣ୍ଟି ଅତିରିକ୍ତ ତହସିଲଦାର ରାମ ଗୋବିନ୍ଦ ପରିଡା ଙ୍କ ଉପସ୍ଥିତି ରେ ଶବ ଜବତ କରାଯାଇଛି। ତେନ୍ତୁଳିଖୁଣ୍ଟି ଆଇଆଇସି ପ୍ରମୋଦ କୁମାର ନାୟକ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି । ମୃତ୍ୟର ପ୍ରକୃତ କାରଣ ଅସ୍ପଷ୍ଟ ଥିବାବେଳେ ଏହା ଏକ ହତ୍ୟାକାଣ୍ଡ ନା ଆତ୍ମହତ୍ୟା ତାହାକୁ ନେଇଁ ସାଧାରଣ ରେ କଳ୍ପନା ଜଳ୍ପନା ଚାଲିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ପୁର୍ଣିମା କୁମ୍ଭାର ଗତ ଗୁରୁବାର ଦିନ ପୂର୍ବାହ୍ନ ରେ ନିଜ ସ୍ୱାମୀଙ୍କ ପାଇଁ ମକା ବାଡକୁ ଖାଦ୍ୟ ପହଞ୍ଚାଇ ଆଉ ଘରକୁ ଫେରିନଥିଲେ । ଘର ଲୋକ ବହୁ ଖୋଜାଖୋଜି କରିଥିଲେ ହେଁ ପୁର୍ଣିମା ଙ୍କ ପତ୍ତା ମିଳିନଥିଲା । ଗତକାଲି କେନ୍ଦୁଗୁଡା ନିକଟରେ ଥିବା ଖଣ୍ଡିଆ ଗୁଡା ଗାଁ ନିକଟସ୍ଥ ଏକ ମକା ବାଡରୁ କିଛି ଦୂରରେ ପୁର୍ଣିମାଙ୍କ ଶବ ଝୁଲୁଥୁବା ପରିବାର ଲୋକେ ଖବର ପାଇଥିଲେ । ଖବର ପାଇ ପରିବାରବର୍ଗ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହ ତେନ୍ତୁଳିଖୁଣ୍ଟି ପୁଲିସ କୁ ଖବର ଦେଇଥିଲେ । ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପାଇଁ ନବରଙ୍ଗପୁର ମୁଖ୍ୟ ଚିକିତ୍ସାଳୟ କୁ ପଠେଇ ଥିବା ଜଣାପଡିଛି । ଏନେଇ ତେନ୍ତୁଳିଖୁଣ୍ଟି ଥାନା କେଶ ନଂ ୨୧/୨୦ ଅନୁଯାୟୀ ଏକ ଅପମୃତ୍ୟ ମାମଲା ରୁଜୁ ହୋଇଥିବା ବେଳେ ଏଏସଆଇ କୁବେର ଦିଗାଲ କେଶର ତଦନ୍ତ କରୁଛନ୍ତି । ତେବେ ଶବ ବ୍ୟବଛେଦ ରିପୋର୍ଟ ଆସିବା ପରେ ମୃତ୍ୟୁ ର ପ୍ରକୃତ ଜାରଣ ଜଣାପଡିବ ବୋଲି ଆଇଆଇସି ଶ୍ରୀ ନାୟକ ପ୍ରକାଶ କରିଛନ୍ତି ।