ମାଲକାନଗିରି:ମାଲକାନଗିରି ସୀମାନ୍ତ ଛତିଶଗଡ଼ର କୋଣ୍ଡାଗାଓଁ ଜିଲ୍ଲାରେ ନକ୍ସଲ ହିଂସା ଦେଖିବାକୁ ମିଳିଛି। ଛତିଶଗଡ଼ରେ ଏବେ ନକ୍ସଲମାନେ ବୃଦ୍ଧି ପାଇବାରେ ଲାଗିଛନ୍ତି। ରାସ୍ତା ନିର୍ମାଣରେ ନିୟୋଜିତ ୧୭ ଟି ଗାଡିରେ ନିଆଁ ଲଗାଇ ପୋଡ଼ିଦେଇଛନ୍ତି। ଶ୍ରମିକମାନଙ୍କୁ ଧମକ ଦେବା ସହ ୪ ଜଣ ଶ୍ରମିକଙ୍କୁ ଅପହରଣ କରି ନେଇଥିବା ଜଣାପଡ଼ିଛି। କୋଣ୍ଡାଗାଓଁ ଜିଲ୍ଲାର ଧାନୋରା ପୁଲିସ ଷ୍ଟେସନ ଅଞ୍ଚଳରେ ନକ୍ସଲମାନେ ଏକ ଭୟଙ୍କର ପରିସ୍ଥିତି ସୃଷ୍ଟି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସଡକ ନିର୍ମାଣରେ ନିୟୋଜିତ ୧୭ ଟି ଯାନକୁ ନକ୍ସଲମାନେ ପୋଡି ଦେଇଛନ୍ତି। ନକ୍ସଲମାନେ ଶ୍ରମିକମାନଙ୍କୁ କାମ ବନ୍ଦ କରିବାକୁ ଧମକ ଦେଇଛନ୍ତି। କୁହାଯାଉଛି ଯେ କୁମାରୀ ନିକଟରେ ସଡକ ନିର୍ମାଣ ସ୍ଥଳରେ ପ୍ରାୟ ୨୦ ଜଣ ନକ୍ସଲ ପହଞ୍ଚିଥିଲେ। ଯେଉଁଠାରେ କାମ ଚାଲିଥିଲା ସେଠାରେ ନକ୍ସଲମାନେ ପହଂଚି ଶ୍ରମିକମାନଙ୍କୁ ଧମକ ଦେବା ସହ ଚାକିରୀ ଛାଡିବା ପାଇଁ ମଧ୍ୟ କହିଥିଲେ।
ନକ୍ସଲମାନେ ଶ୍ରମିକ ଏବଂ ସୁପରଭାଇଜରଙ୍କୁ ଧମକ ଦେଇ କଣ୍ଟ୍ରାକ୍ଟରକୁ ହତ୍ୟା କରିବାକୁ ଧମକ ଦେଇଛନ୍ତି। ଏଠାରେ ଉପସ୍ଥିତ ଲୋକଙ୍କ କହିବାନୁସାରେ, ମହିଳା ନକ୍ସଲମାନେ ମଧ୍ୟ ଏହି ଘଟଣାରେ ନକ୍ସଲମାନଙ୍କ ସହିତ ଜଡିତ ଥିଲେ ଏବଂ ସମସ୍ତଙ୍କର ଅସ୍ତ୍ରଶସ୍ତ୍ର ଥିଲା | ଏହି କାଣ୍ଡ କୁମାରୀ କ୍ଷେତ୍ର କମିଟିର ନକ୍ସଲମାନଙ୍କ ଦ୍ୱାରା କରାଯାଇଛି।