ମାଲକାନଗିରି : ମାଲକାନଗିରି ପୌର ପରିଷଦର ନୂତନ ପୌରାଧ୍ୟକ୍ଷ ମନୋଜ ବାରିକ ଆଜି ଦାୟିତ୍ବ ଗ୍ରହଣ କରିଛନ୍ତି । ଆଜି ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ବିଜେଡିର ଶତାଧିକ କର୍ମୀ ଏବଂ ନେତା ମଧ୍ୟ ଉପସ୍ଥିତ ଥିଲେ । ତେବେ ଆଜିର ମୁଖ୍ୟ ଆକର୍ଷଣ ଥିଲା ମନୋଜଙ୍କ କଂଗ୍ରେସ ପ୍ରତିଦ୍ବନ୍ଦୀ ଜି.ଶ୍ରୀନିବାସ ରାଓ ଏହି କାର୍ଯ୍ୟକ୍ରମରେ ଉପସ୍ଥିତ ରହି ମନୋଜଙ୍କୁ ସମ୍ବର୍ଦ୍ଧିତ କରିଥିଲେ । ଆଗକୁ ମନୋଜ ମାଲକାନଗିରି ପୌର ପରିଷଦର ଉନ୍ନତି କରିବେ ବୋଲି ଆଶା ପ୍ରକଟ କରିଥିଲେ । ଏଥିରେ ତାଂକୁ ସେ ସଂପୂର୍ଣ୍ଣ ସହଯୋଗ କରିବେ ବୋଲି ପ୍ରତିଶ୍ରୁତି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଦୁଇ ପ୍ରତିଦ୍ବନ୍ଦୀ ନିଜର ହାରଜିତ ଭୁଲି ଏକତ୍ର ହୋଇ ପୌର ପରିଷଦର ଉନ୍ନତି କରିବା ନେଇ ମିଳିତ ଲଢେଇ କରିବେ ବୋଲି ଯେଉଁ ଉକ୍ତି ଏଠାରେ ପ୍ରତିପାଦିତ ହୋଇଥିଲା ସମସ୍ତେ ଖୁସି ଜାହିର କରିଥିଲେ । ମନୋଜ ଦାୟିତ୍ବ ନେବା ପରେ ପୌର ପରିଷଦରେ ରହିଥିବା ସମସ୍ତ ସମସ୍ୟାର ସମାଧାନ କରିବା ସହ କିପରି ଲୋକେ ଘରଡିହ ପଟ୍ଟା ପାଇବେ ସେନେଇ ବ୍ୟବସ୍ଥା କରିବେ ବୋଲି କହିଥିଲେ । ଏଥିସହ ନୂତନ ପାର୍କ,ଶ୍ମଶାନ,ଖେଳପଡିଆ ଇତ୍ୟାଦି ନିର୍ମାଣ କରିବେ ବୋଲି କହିଛନ୍ତି । ମାଲକାନଗିରି ପୌର ପରିଷଦର ସମସ୍ତ ଵାର୍ଡରେ ଯେପରି ପରିଷ୍କାର ପରିଚ୍ଛନ ରହିବ ସେନେଇ ସମସ୍ତ ବ୍ୟବସ୍ଥା କରିବେ ବୋଲି କହିଥିଲେ ।