କାର୍ଯ୍ୟରେ ଯୋଗଦାନ ଦେଲେ ନୂତନ ଉପଜିଲ୍ଲାପାଳ

ଜୟପୁର: ଜୟପୁର ଉପଜିଲ୍ଲାପାଳ ବେଦବର ପ୍ରଧାନଙ୍କ ପଦନ୍ନୋତି ହୋଇ ମାଲକାନଗିରି ଜିଲ୍ଲା ଅତିରିକ୍ତ ଜିଲ୍ଲାପାଳଭାବେ ବଦଳି ହୋଇଛି। ଏହାରି ମଧ୍ୟରେ ସେ ଜୟପୁର ପିଏଆଇଟିଡିଏ ଗୋପୀନାଥ ସାରକାଙ୍କୁ ଦାୟିତ୍ବ ହସ୍ତାନ୍ତର କରି ବଦଳିସ୍ଥାନକୁ ଯାଇଥିଲେ। ଆଜି ଗୁରୁବାର ଗଞ୍ଜାମ ଜିଲ୍ଲା ହିଂଜିଳିକାଟୁର ତହସିଲଦାର ପଦବୀରୁ ଉପଜିଲ୍ଲାପାଳ ପଦବୀରେ ପଦନ୍ନୋତି ପାଇଥିବା ପ୍ରଭାତ ପରିଡ଼ା ନିଜ କାର୍ଯ୍ୟରେ ଯୋଗ ଦେଇଛନ୍ତି। ତାଙ୍କୁ ଭାରପ୍ରାପ୍ତ ଉପଜିଲ୍ଲାପାଳ ଶ୍ରୀ ସାରକା ଦାୟିତ୍ବ ହସ୍ତାନ୍ତର କରିଥିଲେ।

ତହସିଲଦାର ସାଗରିକା ଷଡଙ୍ଗୀ, ପୌରକାର୍ଯ୍ୟନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକ, ସହକାରୀ ଜିଲ୍ଲାପାଳ ଓ ଅନ୍ୟ କର୍ମଚାରୀ ମାନେ ଉପସ୍ଥିତ ରହି ସ୍ବାଗତ କରିଥିଲେ। ସେ କାର୍ଯ୍ୟରେ ଯୋଗ ଦେବା ପରେ ଆସନ୍ତା ଅଗଷ୍ଠ ୧୫ ଉପଖଣ୍ଡସ୍ତରୀୟ କାର୍ଯ୍ୟକ୍ରମ ଓ ଭୋଟର ତାଲିକା ‌ସଂଶୋଧନ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଥିଲେ।