ବାରିପଦା: ବହୁପ୍ରତୀକ୍ଷିତ ଦେୱାନୀ ଅଦାଲତର ବରିଷ୍ଠ ସିଭିଲ ଜଜ୍- ୨ର ନୂତନ ଅଦାଲତ ଆଜି ପୂର୍ବାହ୍ନରେ ବାରିପଦା ସିଭିଲ କୋର୍ଟ ପରିସରରେ ଉଦ୍ଘାଟିତ ହୋଇଯାଛି । ଓଡ଼ିଶା ଉଚ୍ଚ ନ୍ୟାୟାଳୟର ବରିଷ୍ଠ ବିଚାରପତି ବିଶ୍ୱନାଥ ରଥ ମୁଖ୍ୟଅତିଥି ଭାବେ ଯୋଗଦେଇ ଏହି ନୂତନ କୋର୍ଟକୁ ଆନୁଷ୍ଠାନିକ ଭାବେ ଶୁଭଉଦ୍ଘାଟନ କରିଛନ୍ତି । ନ୍ୟାୟିକ ପ୍ରକ୍ରିୟାକୁ ଅଧିକ କ୍ରିୟାଶୀଳ ଓ ସରଳ କରାଇବାରେ ଏହି ନୂତନ ଅଦାଲତ ବେଶ ସହାୟକ ହେବ ବୋଲି ମତପ୍ରକାଶ ପାଇଛି।
Sambad is now on WhatsApp
Join and get latest news updates delivered to you via WhatsApp
ଏହି ଉଦ୍ଘାଟନୀ କାର୍ଯ୍ୟକ୍ରମରେ ମୟୂରଭଞ୍ଜ ଜିଲ୍ଲା ଓ ଦୌରା ଜଜ୍ ସଞ୍ଜୟ ରଞ୍ଜନ ବହିଦାର, ଜିଲ୍ଲାପାଳ ବିନୀତ ଭରଦ୍ୱାଜ, ଆରକ୍ଷୀ ଅଧିକ୍ଷକ ସ୍ମିତ୍ ପି ପାରମାର, ଅତିରିକ୍ତ ବରିଷ୍ଠ ସିଭିଲ ଜଜ୍-୨ ଦେବଶ୍ରୀ ସାହୁ ପ୍ରମୁଖଙ୍କ ସମେତ ସମସ୍ତ ବିଚାରପତି, ଆଇନଜୀବୀ ଉପସ୍ଥିତ ରହିଥିଲେ । ଏହି ନୂତନ କୋର୍ଟକୁ ଆଇନଜୀବୀମାନେ ସ୍ବାଗତ କରିଛନ୍ତି। ବରିଷ୍ଠ ଆଇନଜୀବୀ ବିଭୂପ୍ରସାଦ ଦାସଙ୍କ କହିବା ଅନୁସାରେ ବହୁ ଦିନର ଅପେକ୍ଷାର ଅନ୍ତ ଘଟିଛି ।
ଆଜି ଲୋକାର୍ପିତ ହୋଇଥିବା ଦେୱାନୀ ଅଦାଲତ ବରିଷ୍ଠ-୨ ମୟୂରଭଞ୍ଜ ପରି ଆଦିବାସୀ ଅଧ୍ୟୁଷିତ ପଛୁଆ ଜିଲ୍ଲାବାସୀଙ୍କ ନିମନ୍ତେ ବେଶ ସହାୟକ ହୋଇ ପାରିବ । କୋର୍ଟ ନିର୍ମାଣର ଉଦ୍ଦେଶ୍ୟ ସାଧିତ ହୋଇ ପାରିବ । ସହଜରେ ଜନସାଧାରଣ ନ୍ୟାୟ ପାଇ ପାରିବେ ଏବଂ ଜିଲ୍ଲାର ସଦର ମହକୁମା ବାରିପଦା ସହରର କେନ୍ଦ୍ରସ୍ଥଳରେ ଗୋଟିଏ ପରିସରରେ ସମସ୍ତ ପ୍ରକାରର ମାମଲାର ଶୁଣାଣି ହୋଇ ପାରିବ । ଏହା ଏକ ସ୍ୱାଗତ ଯୋଗ୍ୟ ପଦକ୍ଷେପ । ତେଣୁ ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତିଙ୍କ ସହ ସମସ୍ତ ବିଚାରପତିଙ୍କୁ ସାଧୁବାଦ ଜଣାଉଛି ବୋଲି ବିଶିଷ୍ଟ ଆଇନଜୀବୀ ଶ୍ରୀ ଦାସ ପ୍ରକାଶ କରିଛନ୍ତି ।