ଯାଜପୁର : ଯାଜପୁର ଜିଲ୍ଲା ଦାନଗଦି ବ୍ଲକ୍‌ର ଗୋବରଘାଟିଠାରେ ଥିବା ଆଦିବାସୀ ହରିଜନ ସେବାଶ୍ରମ ସ୍କୁଲ ହଷ୍ଟେଲରେ ପଶି ଟାଟା କମ୍ପାନିର ସୁରକ୍ଷା ଗାର୍ଡ଼ ଥିବା କେତେକ ସିଆଇଏସଏଫ ଯବାନ ଛାତ୍ରଛାତ୍ରୀମାନଙ୍କୁ ଗାଳିଗୁଲଜ କରି ମାଡ଼ ମାରିବା ଓ ପ୍ରତିବାଦ କରିବାରୁ ଦାୟିତ୍ୱରେ ଥିବା ଶିକ୍ଷକଙ୍କୁ ମାଡ଼ ମାରି ସ୍କୁଲର ଆସବାବପତ୍ର ଭାଙ୍ଗି ଦେବା ପ୍ରତିବାଦରେ ଆଜି ଛାତ୍ରଛାତ୍ରୀମାନେ ଡ଼ୁବୁରୀ- ଚଣ୍ଡିଖୋଲ ୫୭ ନମ୍ବର ଜାତୀୟ ରାଜପଥ ଅବରୋଧ କରି ବସିଛନ୍ତି। ତୁରନ୍ତ ଅଭଯୁକ୍ତମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଗଲେ ସେମାନେ ଜାତୀୟ ରାଜପଥ ଅବରୋଧରୁ ହଟିବେ ନାହିଁ ବୋଳି ଛାତ୍ରଛାତ୍ରୀମାନେ ଅଡ଼ି ବସିଛନ୍ତି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଛି।