କୋରାପୁଟ : କୋରାପୁଟ ପୌର ନିର୍ବାଚନ ପାଇଁ ସୋମବାର ଥିଲା ନାମାଙ୍କନ ଦାଖଲର ଶେଷ ଦିନ । ବିଜେଡି ଓ ବିଜେପିର ଅଧ୍ୟକ୍ଷ ପ୍ରାର୍ଥୀଙ୍କ ସହିତ ସ୍ବାଧୀନ ପ୍ରାର୍ଥୀ ଭାବରେ ଜଣେ ସାମ୍ବାଦିକ ବି ପ୍ରାର୍ଥିପତ୍ର ଦାଖଲ କରିଥିଲେ। ଏଥି ସହିତ ବାକି ରହିଯାଇଥିବା କିଛି ଦଳର କାଉନସିଲର ପ୍ରାର୍ଥୀମାନେ ମଧ୍ୟ ନାମାଙ୍କନ ପତ୍ର ଦାଖଲ କରିଛନ୍ତି । ଏହା ସହିତ ସ୍ୱାଧୀନ ପ୍ରାର୍ଥୀ ଭାବେ କୋରାପୁଟ ସହରର ଜଣେ କାର୍ଯ୍ୟରତ ସାମ୍ବାଦିକ ଭୂଷିତ କୁମାର ବିଡିକା ବି ନାମାଙ୍କନ ପତ୍ର ଦାଖଲ କରିଛନ୍ତି । ଶନିବାର କଂଗ୍ରେସ ଦଳ ତରଫରୁ ଅଧ୍ୟକ୍ଷ ପ୍ରାର୍ଥୀ ଭାବରେ ଦେବାନନ୍ଦ ବେହେରା ନାମାଙ୍କନ ପତ୍ର ଦାଖଲ କରିସାରିଛନ୍ତି । ଏସବୁ ଭିତରେ ଶେଷ ଦିନରେ ଫୋକସରେ ରହିବ ୩ ପ୍ରମୁଖ ଦଳର ଅଧ୍ୟକ୍ଷ ପ୍ରାର୍ଥୀ । ବିଜେଡି ତରଫରୁ ଅଧ୍ୟକ୍ଷ ପ୍ରାର୍ଥୀ ଭାବେ ଯୁବ ନେତା ଲଲାଟ ରଞ୍ଜନ ସେଠୀ ବିଶାଳ ଶୋଭାଯାତ୍ରାରେ ଆସି ତାଙ୍କ ନାମାଙ୍କନ ପତ୍ର ଦାଖଲ କରିଥିଲେ । ସେପଟେ ବିଜେପି ଦଳର ଅଧ୍ୟକ୍ଷ ଭାବରେ ଦଳର ଟାଣୁଆ ନେତା ଜି.ସଞ୍ଜିବ କୁମାର ତାଙ୍କ ନାମାଙ୍କନ ପତ୍ର ଦାଖଲ କରିଥିଲେ । ଦୁଇ ଦଳର କାଉନସିଲର ପ୍ରାର୍ଥୀ ଓ ପ୍ରାର୍ଥନୀ ବାଜାବାଜଣା ସହ ନୃତ୍ୟୁ କରି ଶୋଭାଯାତ୍ରାରେ ଆସି ନାମାଙ୍କନ ପତ୍ର ଦାଖଲ କରିଥିଲେ । ଶୋଭାଯାତ୍ରାରେ କମ୍ପୁଥିଲା କୋରାପୁଟ ।
Sambad is now on WhatsApp
Join and get latest news updates delivered to you via WhatsApp
୨୧ ଗୋଟି ଓାର୍ଡ ବିଶିଷ୍ଟ କୋରାପୁଟ ପୌର ପରିଷଦରେ ମୋଟ ୩୨ହଜାର ୨୭୫ ଭୋଟର ଆସନ୍ତା ୨୪ ତାରିଖରେ ମତ ସାବ୍ୟସ୍ତ କରିବେ । ୩ ପ୍ରମୁଖ ଦଳର ପ୍ରାର୍ଥୀ ହୋଇଥିବା ବ୍ୟକ୍ତି ବିଶେଷ ମାନେଏ ପ୍ରଥମ ଥର ପାଇଁ ରାଜନୀତିରେ ପାଦ ଥାପିଥିବାରୁ ଦଳ ଉପରେ ନିର୍ଭର କରି ନିର୍ବାଚନ ଲଢିବେ । ଅପରପକ୍ଷେ ଜନତା ଜନାର୍ଦ୍ଦନ ସହର ବିକାଶ ଓ ଉନ୍ନତିକୁ ଆଖି ଆଗରେ ରଖି ପ୍ରାର୍ଥୀଙ୍କୁ ଭୋଟ ଦେବେ । ଆସନ୍ତୁ ଶୁଣିବା କ’ଣ କହୁଛନ୍ତି ଅଧ୍ୟକ୍ଷ ହୋଇଥିବା ପ୍ରାଥି ମାନେ । ତେବେ ଏବେଯାଏ ୯୧ କାଉନସିଲର ପାଇଁ ପ୍ରାର୍ଥିପତ୍ର ଦାଖଲ କରିଥିବାବେଳେ ବିଜେଡି, ବିଜେଡି ଓ କଂଗ୍ରେସରୁ ୨୧ ଜଣ ଲେଖାଏଁ, ୧୪ଜଣ ସ୍ବାଧୀନ ପ୍ରାର୍ଥୀ, ଆମ ଆଦମୀ ପାର୍ଟିରୁ ଜଣେ ଓ ବିଏସପିରୁ ୨ ଜଣ ପ୍ରାର୍ଥୀ ପ୍ରାର୍ଥୀପତ୍ର ଦାଖଲ କରିଥିବା ଜଣାପଡିଛି।