ଖୋର୍ଦ୍ଧା ଉପଖଣ୍ଡରେ ଭୋଟ ଗଣତିରେ ବ୍ୟାପକ ଅବ୍ୟବସ୍ଥା, ଭୋଟଗଣତିରେ ବିଳମ୍ବ
୭ମ ରାଉଣ୍ଡ ପରେ ଗଣନା ପାଇଁ ଅତିରିକ୍ତ କର୍ମଚାରୀ ଓ ଟେବୁଲ୍ ନିୟୋଜିତ
ଖୋର୍ଦ୍ଧା: ଖୋର୍ଦ୍ଧା ଜିଲ୍ଳାର ଖୋର୍ଦ୍ଧା ଉପଖଣ୍ଡରେ ଭୋଟ ଗଣତି ଆଜି ଠାରୁ ଆରମ୍ଭ ହୋଇଛି । ଭୋଟ ଗଣତିର ପ୍ରଥମ ଦିନରେ ହିଁ ଭୋଟ ଗଣତି କେନ୍ଦ୍ରରେ ବ୍ୟାପକ ଅବ୍ୟବସ୍ଥା ଦେଖାଦେଇଛି । ଫଳରେ ବିଭିନ୍ନ ସ୍ଥାନରେ ଭୋଟ ଗଣତି ନିର୍ଦ୍ଧାରିତ ସମୟ ଠାରୁ ପ୍ରାୟ ୪୦ରୁ ୧ ଘଂଟା ମିନିଟ୍ ବିଳମ୍ବରେ ଆରମ୍ଭ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ନିର୍ବାଚନ କମିଶନଙ୍କ ନିଦେ୍ର୍ଦଶାନୁସାରେ, ନିର୍ଦ୍ଧାରିତ ଭୋଟ ଗଣତି କେନ୍ଦ୍ରରେ ସକାଳ ୮ଟାରୁ ଭୋଟ ଗ୍ରହଣ ଆରମ୍ଭ ହୋଇଥାନ୍ତା, ବେଗୁନିଆ ବ୍ୟତୀତ ଅନ୍ୟ ସମସ୍ତ ବ୍ଲକରେ ବ୍ୟାପକ ଅବ୍ୟବସ୍ଥା ଦେଖିବାକୁ ମିଳିଥିଲା । ବାଣପୁର, ବେଗୁନିଆ ଓ ବୋଲଗଡ଼ରେ ଠିକଣା ସମୟରେ ଆରମ୍ଭ ହୋଇଥିବା ବେଳେ ଚିଲିକା, ଖୋର୍ଦ୍ଧା, ଟାଙ୍ଗୀରେ ୧ ଘଂଟା ବିଳମ୍ବରେ ଆରମ୍ଭ ହୋଇଥିଲା । ମାଇକ୍ ଯୋଗେ ନିର୍ବାଚନ ଫଳାଫଳ ଘୋଷଣା କରିବାର ବ୍ୟବସ୍ଥା ରହିଥିଲେ ମଧ୍ୟ ମାଇକ୍ ଠିକ୍ ଭାବେ ଶୁଣାଯାଉନଥିଲା । ଟାଙ୍ଗୀ ବ୍ଲକରେ ଏଜେଂଟ୍ ମାନଙ୍କ ପାଇଁ ବସିବା ସୁବିଧା ହୋଇନପାରିବାରୁ ତଳେ ବସି ଗଣନାରେ ଯୋଗ ଦେଇଥିଲେ ।
ଅପରପକ୍ଷରେ, ଗଣନା ପ୍ରଥମେ ୱାର୍ଡ଼ ୱାରି ଆରମ୍ଭ କରାଯାଇଥିଲା । ସମିତି ସଭ୍ୟ, ସରପଂଚ ପରେ ଜିଲ୍ଲା ପରିଷଦ ଗଣନା ଆରମ୍ଭ ହୋଇଥିଲା । ଜିଲ୍ଲା ପରିଷଦ ନିର୍ବାଚନ ଫଳାଫଳ ରାଉଣ୍ଡ ୱାରି ଘୋଷଣା କରିବା ପରିବର୍ତେ ପ୍ରଥମେ ୱାର୍ଡ଼ ୱାରି ଘୋଷଣା କରାଯାଇଥିଲା । ଫଳରେ କିଏ କେତେ ଭୋଟ ପାଇଛି ସେେନେଇ ବ୍ୟାପକ ଦ୍ୱନ୍ଦ୍ୱ ସୃଷ୍ଟି ହୋଇଥିଲା । ଏହାର ପ୍ରଭାବ ଗଣତି କେନ୍ଦ୍ରରେ ଭୋଟ ଗଣନା ଉପରେ ପଡ଼ିଥିଲା । ଶେଷରେ ପ୍ରଶାସନ ବାଧ୍ୟ ହୋଇ ଅତିରିକ୍ତ ଟେବୁଲ୍ ଓ କର୍ମଚାରୀଙ୍କୁ ନିୟୋଜିତ କରାଯାଇଥିଲା । ଚିଲିକା, ବାଣପୁରର ଗଣନା କାର୍ଯ୍ୟ ତଦାରଖ କରୁଥିବା ଖୋର୍ଦ୍ଧା ଉପଜିଲ୍ଲାପାଳ ଆଇ ଗୌରବ ଶିବାଜୀ ଅତିରିକ୍ତ ଟେବୁଲ୍ ଓ କର୍ମଚାରୀଙ୍କୁ ନିୟୋଜିତ କରି ଗଣନା କାର୍ଯ୍ୟ ତ୍ୱରାନ୍ୱିତ କରିବାକୁ କହିଥିଲେ । ସେହିଭଳି ଟାଙ୍ଗୀର ଦାୟିତ୍ୱରେ ଥିବା ଅତିରିକ୍ତ ପିଡି ଶକ୍ତିକାନ୍ତ ରାୟ ଓ ଖୋର୍ଦ୍ଧା ଦାୟିତ୍ୱରେ ଥିବା ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢ଼ୀ ଅନୁରୂପ ଭାବେ ଗଣନା କେନ୍ଦ୍ରରେ ଅତିରିକ୍ତ ଟେବୁଲ୍ ଓ କର୍ମଚାରୀଙ୍କୁ ନିୟୋଜିତ କରିଥିଲେ ।